講番轉頭，七點鐘一整完可樂就衝上二樓Johnson Johnson想預約做新生兒護士，點知好失望呀已經全晚fully booking.
行去前面的動物醫院，仲有一項叫獸醫師(檢診)有位，即刻book咗佢.......冇得湊bb就照顧狗仔都好。
恩祈在Kidzania做的第三份工作，當獸醫護士檢查病犬。
隻狗會郁會吠有表情有心跳聲...像真度高。
恩祈好留心聽好似好識日文咁，其實係"流"嘅。
恩祈負責照顧同安撫病犬。其他護士就有抽血、量體溫同睇報告。
其實我本來想同恩祈book下面的動物看護士，可獨立檢查貓狗，不過又full咗。
一做完份工拿取工資後，恩祈話好肚痛，原來佢一開工就肚痛但為咗份工居然忍咗半個鐘(大人都冇咁嘅能耐)，個staff知道urgent後就好熱心帶我哋去咗員工廁所.......真係大件事喎，一定係飲咗可樂(化學嘢)出事，我估佢都唔敢再飲汽水啦。
小朋友的小社區，似模似樣。
在香港plan好做的四份工作只做了一份(可口可樂)，其他Mos Burger、新生兒護士
同埋空中小姐都做唔到，唯有等下次再嚟，同睇吓人哋啲相"望梅止渴"。
賺到錢就扮大人去三越百貨shopping
又係只准小朋友入去，佢唔識睇價錢，就每樣都比我望吓，點知樣樣都好貴，佢只得58蚊，連一支鉛筆都買唔起。
我做手勢叫佢搵sales姐姐幫忙，結果佢買咗隻好細粒的猩猩仔。
九點關門前有小型巡遊。(班細路聽日唔駛番學？)
經過今次體驗，恩祈終於明白，要賺錢花費必先要工作，而搵工好難，小朋友要先努力讀書得取知識至有人請，仲要識同人合作有E.Q至得，乘機又玩又說教一番。
雖然只做了三份工(Jason做咗四份，第二晚佢又去第二場呢)，但係大家都好興奮。佢兩個都攰到即刻瞓著，番到酒店又要去導遊房攞已訂的手信，都差唔多成十一點，之前仲話想去大浴場度浸吓(酒店個浴場好大好靚)。我買了一大盒壽司番酒店食，恩祈一路冇醒過瞓到第二朝(一早就去廸士尼下午又開工到夜晚從未試過咁攰)，諗諗吓今晚我都係食咗個Mos Burger佢就冇食嘢喎。真犀利！
沒有留言:
張貼留言