今朝八點至起身，慢慢執行李(我哋只係買咗啲手信、蜜糖同蚊膏好輕便)同嘆早餐，之後在酒店泳池同花園漫步影吓相。我同恩祈講要番香港，佢喊住口話唔番同要住酒店喎，仲有我由第一晚開始就問佢掛唔掛住爸爸，佢次次都答唔掛住架。
十點再集合去水門街附近的摩天大厦Bayoke Sky Hotel自費每人600銖食buffet.估唔到o甘多嘢食同好新鮮，而且在曼谷最高的地方食飯同睇景真係好值得，兩個鐘唔係幾夠時間。
我嘅至愛除咗冬蔭公、泰式沙律同phat thai泰式炒河外，就係呢碟泰式甜品.
I love thai food!
不過最好味都係呢一片脆卜卜燒肉。
食自助餐仲有魔術表演贈興
餐廳外面的觀景台有好多拍照熱點，好似恩祈揸呢架篤篤車同兩排車
婆婆坐在懐舊影點個樣都好入戲
恩祈第一次打算盤呢！
嚟到泰國最高嘅建築物，唔夠時間都要上一上天台望吓個view
去到泰國新機場等check-in.呢個就係我哋個導遊Sam.我比佢95分佢真係帶團同對客都很好，恩祈到而家都記得叔叔屬豬架(婆婆話導遊屬豬60歲激C佢！)
臨上機都唔放過要去玩具店玩番吓
bb同長者優先上機，恩祈就自己衝上機做咗第一個搭客，仲唔駛人扶。
TG606準時四時開機，架機一飛恩祈就去咗搵周公，瞓咗個半鐘自己醒就開始食佢個兒童飛機餐，泰國出品好味得多(main course係菠菜雲吞)，一食完就收餐開始降落，遲啲起身都冇得食......架機早咗半個鐘到，daddy一早等緊接我哋，佢哋兩父女久別重逢攬攬錫錫好sweet.恩祈仲係o甘同daddy講有幾好玩呢！
===============================================================
我今次第一次參加永安泰國團真係勁滿意，價錢勁平之外，行程安排、食住、導遊領隊都絕佳，連團友都好，老人家nice唔爭食好禮讓後生仔亦友善愛逗恩祈玩又好樣(靚仔靚女)，比起上次去北京樣樣都好十倍(都係五日仲平一半唔止)，婆孫三人玩得盡興之餘又留下美好回憶，我哋真係好幸運、好感恩......又要準備下年同daddy的旅程啦！
p.s.仲有最大收穫係增肥成功啦！我由未上機前106磅到番咗香港就有差唔多110磅，五日就重咗成3磅幾，恩祈都重咗1磅幾，超過25磅啦！
沒有留言:
張貼留言