一點半到達自然保育中心Nature interpretation centre.每人收費rm50.先看半小時教育電視，裡面的小人猿bb孤兒真係好似真人 bb的湊法，要抱抱餵奶樽、換尿片、在洗手盆內洗白白，好好睇好得意不過失去媽咪又好可憐......睇睇吓我的真bb卻睡著了，兩點出發由保育中心工作人員帶入森林保護區，大猩猩爸爸就抱住小猩猩上山，行了十多分鐘山路就到，由餵飼員放食物引紅毛猩猩出來。
由於啲人猿仔係自由活動加上我冇長鏡頭，能夠有隻行到我面前影到啲又近又靚仔嘅相真係好幸運，下面張仲明顯係面帶笑容，今次真係交足功課。
爸爸要我影恩祈同紅毛猩猩的合照，你估我係神仙咩乜都做到......上下兩張相恩祈的上方都有一同兩隻紅毛猩猩，聰明嘅人至睇到。
睇咗大半個鐘，森林又濕又熱......都係落山嘅時候咯！
保育區內仲養有好多動物，又比恩祈見到下面隻行得好快的Chip & Dale(松鼠)呢！
落到嚟已經成身濕晒，見到酒店有件綠色細碼的紅毛猩猩T-shirt就買件比恩祈換咗佢......出到門口又有紅毛猩猩腳印，比較吓兩隻猩猩的腳。
搭的士去最last的一間酒店Mercure又係在1 Borneo.由Rasa Ria去搭的士順路約半小時車程又收rm.70真過份(沙巴樣樣平除咗的士冇王管)我知就在Novotel隔離去到卻搵唔到間酒店，原來上月改咗名叫Grand Borneo.開咗一年都無又改名，我哋check in 後急急腳都唔上房放下行李同訂好明早free shuttle bus to airport(呢度有華人reception服務好好)就走去商場搭shuttle bus to city搵食啦！
首先去食新記肉骨茶，用砂煲上原汁原味，但唔夠我以前在吉隆坡食的o甘濃同重藥材味，老公未食過都話比想像中淡，不過正因如此恩祈都食到喎！凍拉茶好正而桔仔冰比恩祈飲晒就唔知道。
行去海傍消化吓剛剛日落完，早少少實好靚。
跟住去Seri Selera Kg.Air食海鮮，經過上面間茶室真係好老土好懐舊我勁鍾意呀！
去咗雙天食海鮮，叫咗3隻中size的濕奶油老虎蝦，啲汁好味老虎蝦新鮮彈牙，但係薯仔菜就同香宮冇得比，加埋餅我哋都食唔晒......我老公碟炒蟹只係rm.13.8/1 kg有三隻，佢一個人慢慢食晒成碟好滿足(I don't eat crab!)。
趁爸爸嘆蟹期間我哋出去行吓同睇吓免費文化表演。
番到酒店，300零蚊間房都唔錯，玻璃企缸恩祈可以一路沖涼一路睇住出面電視的卡通片呢！爸爸又落樓下商場買啲手信比朋友，恩祈話我都要買手信比我啲小朋友喎！
沒有留言:
張貼留言