My First Playgroup

2007.09.02    恩祈今日第一次番playgroup(遊戲小組)，係0605 mami搞的，地點在佐敦官涌體育館的大活動室。

以前我總覺得呢d嘢呃錢嘅！不過依家時下好流行，再加上只係$60一堂，當俾恩祈同啲bb玩餐飽都好嘅。

本來有11個bb參加咗，可能下過雨關係，最終只有7個bb同父母出席，一個小時的課程如下：熱身、唱歌、講故事、體操、 汽球傘、拋波仔。
恩祈的熱身真係好耐，通場走四圍搞搞震，佢daddy好似捉雞仔，佢就係甘掙扎走開，俾佢激死，人哋男仔都肯坐定定，我問個導師佢係咪活躍症，她答活躍症不是這樣，叫我放心話18個月以後大部份都會定啲。之後的唱歌、講故事、體操其實都係daddy玩的，反而daddy好投入(佢係大細路)，最後的汽球傘拋波仔恩祈就玩得好開心啦！