這是濕地花園，由於無太陽所以一大片向日葵花田啲花都垂頭喪氣，不過亦因此我哋有涼爽舒服的天氣又不用曬住瞇著眼睛影相，下面張相係爸爸影的，影到個相框過晒界穿晒崩又影到前朦後清(個人朦背景清)，真係攝影大師都影唔到呢種高難度嘅相。
恩祈見到大片草地又瘋狂地跑，我追到氣咳佢都唔肯再企好影相，浪費了一片美景......亦只行咗小部份濕地花園就無力再前行。
溫室外亦有一片花田，扮晒富良野個view
我哋原本打算住一晚的茵特拉根酒店，貴到飛起，值唔值得見仁見智。
無得住就在酒店露天茶座飲杯咖啡，對住個湖景好靚好有歐洲feel........但實情係個湖底好多垃圾好臭又好有大陸feel.
恩祈又扮大牌唔肯影相，就等媽咪同婆婆影相啦。咪睇我成四十歲人，我仲係好嗲我媽咪同佢好close好好傾架！
湖中倒影又真的很美啊！
見到我唔理佢猛o甘自己影相，佢又主動要影啦，我都話啲細路唔駛迫或者求佢，當佢冇到就會乖乖哋架啦。
五點集合離開，又要搭環保巴士轉纜車又行一段路成個鐘至落到山，如果係假期仲要等好耐車呀，真係好大未開第二期(主要係機動遊戲)都要至少兩日至行勻晒。
食完晚飯搭一個鐘頭車到東莞，今晚就係住在這間華庭花園酒店，大堂同房間都好大好靚......依家啲新酒店都係呢種透視浴室嘅？
恩祈去旅行最緊要係食自助餐同住酒店，在酒店除咗可大跳彈床外，重可以周圍搞周圍摷，佢最鍾意搞保險箱同雪櫃。
沒有留言:
張貼留言