2008.10.13 一家四口參加東部華僑城兩天團，本來係已經訂咗住在裡面的茵特拉根酒店自己玩兩天，但係見到新華旅行社兩天團特價$398(長者$328小童$238)，只係合共千多元全包，雖然係住東莞酒店，但比起我剩訂房要$2370平好多，就取消訂房改跟團。
東部華僑城2007年中開幕，現只開放了第一期，共分大俠谷、茶溪谷和雲海谷三部份，地方偌大，我們只粗略玩過大俠谷和茶溪谷的小部份。
由入口行咗好長的梯級(辛苦了爸爸要手提著bb車好在恩祈肯行)，先坐接駁車到纜車站坐"雲海索道"纜車，好似360纜車重有落地玻璃窗睇全景，比昂坪更高更氣勢磅礡。
到達雲中部落的"登峰造極"，即係老翻大峽谷的U型skywalk.恩祈細個唔識驚重係玻璃天橋上跳，大陸造嘅橋震震吓都係信唔過咪話唔怕。
雲中部落真係四圍都係雲
又坐叢林纜車再轉森林小火車才上到茶溪谷，途中見到四季花田(老翻北海道花田)，相信夏天開花季節必定很美。
茵特拉根小鎮的裝飾大提琴恩祈話係結他
兩父女毋懼禽流感用麵包餵白鴿
漫步恩特拉根小鎮，平日清靜無人，見唔見到婆婆做咗路人甲。
湖邊小橋又係抄瑞士琉森
大劇院係睇"天禪"的地方，但太嘈唔適合bb我哋冇睇
兩點等睇巡遊，原來只係蘇格蘭樂隊加兩三匹馬再加一架馬車行來行去都冇十分鐘就算，恩祈個樣好似失望的說：有冇搞錯？
沒有留言:
張貼留言