三歲九個月

恩祈三歲九個月，身高100cm.佢好怕高過100cm.成日問我係咪就嚟冇得睇戲(驚我要比錢唔帶佢去睇)體重14.8kg. 番咗學明顯地增磅快咗。
而家恩祈除咗一至五番學，周五下午仍上IC Montessor/Jelic Class(level 3),周六芭蕾舞班、周日上Children's Church的pre-schooler playgroup.而在家用I-pen及vcd自學的幼稚園課程Here we go亦開始咗book3.愉快地學習，最愛自己做功課。

最近自發寫數目字，成功的有1、2、3、4，雖然冇筆順又由右寫至左(顛倒有啲亂)，但係佢已有進步，最鍾意玩泥膠同油水彩，又有用學校提供的多媒體互動學習平台玩電腦互動遊戲，因此已熟習用mouse(雖然手太小控制上有時會笨拙)，同可獨立玩學習遊戲(唔係打機係學習)，從而自信心大增。

開始學炒餸(係真係廚房嗰啲唔係玩泥膠)，Miss Helen叫我比佢試，佢真係好認真、小心同有滿足感。
新年後曾全身發癢(好彩面冇事)，尤其晚上好痕，我唔肯睇西醫，兩周後至記得比七星茶佢飲三日後好番晒。

(2010.03.10)