大半個月前決定同恩祈戒瞓午覺，原因係佢一直都係瞓覺好麻煩+瞓得唔多的人，而想瞓午覺嘅其實係我，我剩係想休息小睡半個鐘，但每次就要搞三個鐘(其中睡前睡後每次拖拉個幾鐘)，夜晚又搞到好夜都唔願瞓好精神，早上八點幾又唔多想起身，每晚得九個鐘瞓我唔知佢夠唔夠但我就好唔夠(因為佢會反瞓啦、發開口夢啦、發惡夢又喊啦，去vee vee啦之類)。
起初幾日下午都有啲眼瞓，但過咗一陣又冇嘢咯，到九點上床就好攰然後好好瞓到第二朝八點，大家都好精神呢！而且仲可以每日輕鬆愉快的早十分鐘番學，以前總係急急趕準時到，相信佢而家頭腦都會清醒啲呢！每日早睡早起良好習慣真係好似身心都健康咗，又多出好多有用時間，可以安排多啲嘢玩，恩祈有好多幻想(可能因此就多夢)每日下午佢都用佢嘅幻想設計啲遊戲比自己玩，有時係扮照顧細佬妹同貓狗，用屋企的材料整個暖窩或者安排好啲食物、書本、玩具、圖書之類，又自言自語作故仔比啲公仔聽，好認真又好似儍嘅好搞笑，不過佢唔鍾意人搞佢可以自己玩個幾鐘。閒時當然喜歡看卡通但冇得睇都o.k.嘅。
不過呢兩日佢又早咗起身，好似啱啱天光大約七點就醒咗開始郁身郁勢，即係瞓唔夠十個鐘，可能佢似daddy係瞓好少就夠個啲人(daddy每日瞓七個鐘就好夠)，以前我都擔心細路仔瞓咁少點得，怕佢呆滯同唔夠醒，但佢自bb時期已經係咁，而且不知幾精神同有活力，即係no problem啦！
Becky又比咗啲keep得好好的玩具送給恩祈，有好似古代小朋友玩的騎馬仔頭(真係跳到冇氣！) ，同全套仲有聲響的醫生工具箱。
同埋有呢套砌到daddy眼都突埋的城堡，公主係我哋後加嘅，撞散咗又砌過，上下兩款係有啲分別嘅。
(2010.01.14)
沒有留言:
張貼留言