東京遊樂任務完成！

今次帶婆婆同恩祈去東京的遊樂任務終於順利完成！

雖然有時好趕急，但係佢哋玩得非常開心，咁我都好安慰。
天氣好好，十多二十度好乾爽，團友都好錫恩祈，日日都有哥哥姐姐要同佢玩同佢影相，而團友中也有位四歲多接近五歲的小朋友晴晴，同佢玩得好夾做咗好朋友。
紅葉映襯富士山下的兩位小團友：

而導遊Jason非常幽默同專業(我哋次次跟團都好有運跟到好導遊)，佢常逗恩祈玩同傾計，仲自稱係張家輝同劉德華的混合體。

以下又係恩祈用儍瓜相機在日本拍的攝影作品。多謝欣賞！