四歲兩個月

2010.07.30    恩祈去健康院做四歲check up. 身高103cm.體重15kg(約33磅).姑娘話比初生時的增長已很好，係50個條線。

眼睛檢查結果係視力非常好。跟住去見營餐養師報告佢飲食習慣，係要佢飲多啲水同食多啲生果。因提出佢咬字不清就做埋語言測試，點知佢慢慢用心讀啲字除咗兩個發音唔準之外其他都好正，我都好詫異即係平時講嘢太急同發懶音，醫生叫我觀察到四歲半發現有問題再約見。另外恩祈同醫生話自己有耳鳴，醫生答小朋友耳朶好靈敏如果四周環境寂靜聽到啲v v聲係正常。

唱兒歌：


雖然有時發音不準但愛說故事同唱歌，最愛唱"A Whole New World".亦愛畫畫可以一個人畫好耐，記性越來越好，愛背書，最愛同最耐看的書仍是她的kid's Bible.每晚都會祈禱，仲會求天父賜福給父母.......感動！

之前提過佢會將啲字(字母同數字)倒轉寫，現在情況有改善，知道學順序，有用心去學同改正。每日會自己穿衣脫衣(內外衣均可)，有時亦會幫手摺衫舖床。
她的情緒間中都有起伏，因為有自己的一套想法，一覺得被破壞就失控，通常只有待冷靜後才後悔........我都有時被搞到好似無晒尊嚴好唔開心，呢方面我就比不上老公有咁高EQ.