廿三個月

今個月恩祈的體重輕咗少少，徘徊在10.2-10.5kg之間，依然係好食得，身體強健如牛。

23個月起終於晚晚識自己瞓到天光，可是優質睡眠的代價是睡得更少，每晚只需瞓8-9小時便精神奕奕，在家午睡仍維持約2小時，出街玩就隨便瞓半小時就夠。
識自己踏單車行幾步，但因為要好用腳力所以踏多幾步便會停下來。愛自轉圈跳舞，有時請我一齊轉住跳，跳到我頭暈。又愛自己搖鞦韆，不須人推，在家愛砌Lego.
多咗整句說話，例如：有媽咪喺度唔驚、熊貓好得意呀！、蚊蚊咬咬小心、唔好搞媽媽呀！.......不太流利的說出1-10，有時123578910少咗個字之類，最熟係5字因為住5樓，英文字母abcde之後就咿咿哦哦估估吓，有時重講到a、b、3、4都得，最好笑係見到無論數目字、英文字母又或者日文字母，都指住話係個A字，亂嚟重以為自己好醒呢！
四月底開始要暫停映灣園的playgroup，因導師Christine沒時間再教，要再尋找新的班給恩祈學習。

5月11日母親節，同婆婆舅父去咗T2飲茶，三舅父就送咗呢套Dora的cube puzzle比恩祈當birthday gift.而當日在機場消費滿300元重送咗件即場對住恩祈畫的人像T-shirt.媽咪重即刻著上身影相，畫得似唔似恩祈呢？我就覺得髮型同對大眼晴最似。

爸爸由8/5-18/5放大假十日陪我日日去玩，又去咗好玩嘅海洋公園，我真係好開心 

扮晒坐free fall好勁

我部相機前清就後濛，即係有Yankie冇panda,有panda又冇Yankie啦！

第一次跳彈床興奮得來又脚震震