三歲半

三歲半的小靈精恩祈99cm高.14.1 kg重.終於增重至三十磅以上，可以輕易抱起的日子越來越少了，媽咪會更珍惜同攬抱多啲。身體非常健康，飲食好正常，亦常有運動。踏入冬季，在夏日曬黑的皮膚已明顯回復白哲，開始肯多飲水亦令肌膚冇以前的乾。

愛扮靚，愛睇時裝雜誌評論，行街愛看高踭鞋同頸鏈，又喜穿媽咪的衫裙發白日夢，terrible!

雖然恩祈學嘢係比較慢但努力之下始終都會進步，好似填色同跳舞已好咗好多，勇氣漸增。隨著年齡的增長而顯得更聰慧，好多口水每日問極問題都唔完，仲要好多都係要思考的大人問題。學認字方面就真係比較差，成日靠估。而學校有提供在家中電腦玩的多媒體學習系統，因此亦學會了用電腦mouse操作答問題。可以一齊完成60塊puzzle.在校學普通話有興趣可唸純正1-10.有時間都會教佢日文1-10但少練習就唔記得。學語言比數字敏感一點。見到一些好榜樣的同學和朋友亦肯跟住模仿學習，有向上心。愛作弄我的行為減少一些因知道要有規舉。花上很多時間教她做(好)人的道理，佢亦都好有見解同明白人不學好便無用，兒童理財和金錢觀念亦早已灌輸，有初步良好的理財態度。學會不浪費(包括食物及水電等)而亦會主動愛護環境(堅決不採摘花朶及掉垃圾等，見到街上有人掉垃圾同食煙會生氣呢！)

(2009.12.03)