三十一個月

91cm.12.2kg.今期愛食西蘭花、奇異果和洋蔥，識上下左右、big and small、用數手指方法數數和玩包剪揼，愛捉影子又會祈禱的手勢，識背屋企地址同學緊背屋企電話號碼(成日背背吓講咗爸爸的電話)屋企人啲中文名一早識講晒。可以唱完整首(臨瞓前必手舞足蹈地唱)twinkle twinkle little star同The ABC song.但唱功有待改善。
鍾意著裙同著媽咪對平底有踭鞋，愛留長頭髮撥來撥去好貪靚。睇電視見到陳豪就同我講話好鍾意呢個哥哥，話佢好靚仔(唔通髮型有啲似daddy？)，女明星就最鍾意黎姿姐姐，話鍾意佢啲長頭髮。
好多時佢會照顧洋娃娃Lilou,聽到佢學daddy揸住本書讀比Lilou聽，又抱住佢坐單車，仲教佢玩玩具，好似一個mami or 姐姐。

有一日刷牙同我講："媽媽妳買個支牙刷俾我呀，呢支好污糟呀！"由於都係佢刷我都無留意到支牙刷好污糟同刷到啲毛平晒，就買咗支2號(2-4歲用)的新牙刷比佢。
有時出街見佢睇到公主啲嘢入晒神想買比佢(其實我都好少想買嘢)，點知佢話唔駛買嘢要我擺番好，佢認真又懂事的表情令我為之動容。