番禺長隆酒店兩天遊@ day 1 2008.05.21

2008.05.21    今次我同恩祈、Jasmine同mami Becky四個人約埋一齊去長隆玩兩天，貪方便住在長隆酒店，雖然係國內五星級但始終舊咗不能說好正，不過係用原野森林做裝飾有啲似南非酒店幾得意，房價都好貴要千一蚊一晚，我哋重要加多百五蚊升級住豪華大床房，打開露台就有以下的泳池景啦！

有張6呎乘6呎king size bed就夠四個人瞓兼可供兩個反斗星跳彈床！

由於四川大地震全國哀悼三天(19/05-21/05)因此今天長隆全部遊樂設施都關閉，原本plan去睇精彩的大馬戲都要取消，Jasmine兩母女都好失望，冇辦法唯有下次再嚟過啦！我哋改咗去行mall，好大又冇乜人，我最大收穫係買咗全套"baby Einstein"，19張dvd都係人民幣190元咋！好啱恩祈睇同學習。
五點半就去網友熱烈推介的"四海一家"食自助餐，真係大到同多嘢食到離奇，下面個map黃色字體都係食物區，剩係飲品都幾十款，連啲乜嘢綠茶、花茶呀都有，啲海鮮一條條掛係度任你鍾意點煮，最核突係一隻隻水魚排晒任點任食.......肯定係我見過最大型的自助餐廳，你哋估下幾錢一位？係158蚊重冇加一，雖然環境都唔錯，不過對於我來說反而比平時食得重少，一來魚生不大新鮮搞到樣樣唔敢試，二來花多眼亂、眼闊肚窄，睇來睇去唔知食乜好，番到酒店己有啲肚餓！

要數到最難頂的食物，就係一大盤曱甴(佢哋叫龍虱)，Jasmine攞咗成堆番嚟玩，鬼妹即係鬼妹，雖然冇真係食落肚都好大膽，重同佢媽咪將曱甴分屍解剖睇下入面係點，恩祈初時都好抗拒，後來見到佢哋兩母女玩得甘開心都敢掂吓，我就咪搞啦，啲大陸人真係乜都食得落肚。

番到酒店兩個小朋友就玩水又同bear bear沖涼，Yankie重夠膽學姐姐用水淋頭(以前佢最忌有水入眼)，玩得好開心。