酒店有兩個中庭，其中一個就係呢個，可近距離睇Flamingo(火烈鳥)
食早餐的白老虎餐廳啲凳同地下都係班馬紋，嬰兒椅更是豹紋，好型！
睇吓恩祈有多喜歡食西瓜！
第二個中庭就住咗兩隻白老虎，長隆酒店的最大賣點就係可以同白老虎食早餐，相信全世界只有中國至有，因為中國人至曉得虐待動物，隻老虎同我上次見到嘅一樣儍儍地不停來回近距離走動，好似已經癡咗線。
上面唔係動物園，係酒店大堂，好有森林feel.下面就係香江野生動物園，超近睇同超多動物(好似有二萬隻)，種類繁多，動物表演亦非常精采。
我都係第一次見到羊咩咩會sir滑梯，睇到我瞪口呆！
坐小火車進入野生動物區，呢度好大好大，重多動物同好睇過南非(不過南非真係野生唔係人養嘅)，架小火車居然行咗成半個幾鐘至行完，搞到恩祈瞓著咗而Jasmine好想瞓，我抱住恩祈瞓就坐到屁股好痛！
在動物幼兒園見到可憐兮兮又極cutie的bear bear同小白獅bb
恩祈瞓著咗冇得餵長頸鹿，不過Jasmine五歲都驚驚地，我估恩祈會重驚。
估唔到連澳洲至有嘅koala樹熊都有得睇，重要有一對係twins.
熊貓冇係香港舒服同靚，因為冇冷氣嘆。
重差個兒童機動樂園未玩(其實重有好多表演skip咗，又未抱小白虎影相)就落起大雨，好彩有個好心staff主動車我哋去搭酒店車，唔係都唔知點算(有傘都冇用太大太空曠)，回程番香港兩個小朋友攰到瞓咗成兩個鐘瞓到關口呢！
沒有留言:
張貼留言