早上0815am在機場二號客運大樓集合，Joan今日剛巧要帶團0930集合，就約埋一齊飲茶先......爸爸雖然冇得一齊去旅行，但係佢有機場permit可以入到閘口名副其實送我哋上機。
一上到機恩祈就拖住泰航空姐話要影相，佢話姐姐好靚又同佢講Sawadeeka,姐姐即刻去拎咗兩份玩具比恩祈玩。
"我最鍾意嘅飛機餐嚟啦！"其實cpcs的child meal 難食到死，我喺度做過都o甘話。
好快就到咗曼谷，上車前俾20銖就可同穿上泰國服飾的女仔合照，仲送上一串花環呢！
導遊塞車未到，恩祈成個遊客o甘款站在旅遊巴前留影。
婆婆又有得去旅行去玩幾開心，個樣又young 咗！
搭咗個幾鐘頭車到達第一個觀光點~~特色觀光歷奇之旅，首先去騎大象，坐上去好高又震騰騰都有啲驚，恩祈一坐低望到個大象頭就話："咦！有頭髮嘅！"係喎，原來大象個頭頂有啲毛好似中年脫髮的男仕，恩祈唔講都無留意到呀！
騎完我哋覺得相當刺激的大象後，就去坐觀光馬車，睇吓由恩祈拉疆繩幾威呀！
去芭堤雅食個特色豬手嘅泰餐，每人有個菠蘿飯，估唔到十幾年冇跟泰國團依家係食得o甘好......恩祈例牌又俾團友讚肯自己食飯叻，其實啲餸十樣有七樣都辣，佢只係食到平時份量的一半咋！
我哋兩晚連續住在位於 2nd beach road 的Ibis Hotel Pattaya.係一間今年七月才開張的Hip hotel.房間細細但係好舒適同方便，對面就係Big C 後面係beach.
在lobby集合行夜市時恩祈又百厭我罰佢企，佢真係企係度成五分鐘直至我叫佢走佢至離開，期間當然古靈精怪表情多多。
人妖花街梗係唔啱我哋行，我哋只係在Mike行咗一陣玩具部，在生果檔對面同個人妖買咗盒芒果糯米飯就截咗架兩排車自行番酒店啦。
好攰呀！goodnight明天再玩過。
沒有留言:
張貼留言