昨晚同領隊講咗我哋唔去珊瑚島，怕一老一嫩經過昨日一天舟車勞頓頂唔順，點知佢兩個今朝一早就醒咗仲鬼打都冇o甘精神，冇理由要佢哋游成日水，因此我又臨時決定去珊瑚島啦。領隊顯得好驚訝同擔心，勸我哋諗清楚去唔去，我又要勸番佢Don't worry！我話佢兩婆孫好掂架，結果好好彩，坐快艇出海風平浪靜，佢哋坐船尾不單冇暈浪同嘔，仲話好好玩好在有嚟......玩嘅推動力真大，服咗佢哋！
先睇下人玩降落傘先，我同媽咪講我唔驚，但係導遊叔叔話要七歲先玩得呀！
婆婆身後的天空有好多空中飛人呀！
好快到咗珊瑚島，吹個水泡浸吓水先。
出面好曬，恩祈躲在沙灘椅前玩堆沙，玩咗個幾鐘堆出一個小沙丘，我同婆婆就躺在沙灘椅好hea,婆婆話好在有嚟，佢話呢度好靚好舒服。
同一水之隔的芭堤雅海灘相比，珊瑚島的海水永遠都o甘清澈，而天空永遠都係藍天白雲，好奇怪！比基尼恩祈仲遇上大隻泰仔。
以前珊瑚島個餐最難食，依家又有汽水送，又有大盤燒烤海鮮送，不過一到枱就冇晒影唔到相，恩祈就揸住隻花蟹影吓啦......下面個相架係去程時恩祈著住救生衣上快艇時被拍的，回程到芭堤雅用100銖買下留個紀念。
恩祈由珊瑚島一上快艇就瞓著咗，直至番到酒店一醒就嚷著要去泳池游水，當時下午兩點幾好曬，游咗成個鐘變咗小泰妹，好在冇曬傷皮膚。
我至鍾意呢兩張，好少笑得o甘含蓄。
我間房有露台，望落去就係泳池，一小片玻璃隔著一邊係bb池，另一邊有幾隻海龜圖案在泳池底嘅係大人池......泳池細細但設計幾好。
游完水沖個涼食啲嘢就各自午睡咗兩小時(恩祈係full fare佔半間房同我同房，婆婆同女團友夾房)，我哋放棄咗古法按摩的行程同晚飯，所以今日好free又义夠電.....黃昏去咗對面Central center 行商場食飯，入咗一間有英文同圖解的泰式餐廳食飯，大多數每碟粉麵飯都唔駛hkd$10食咗六樣嘢都唔駛$60,除咗隻fried egg好差之外其他都o.k.
恩祈好努力做個"V"字手勢，但總係出現三隻手指。
之後行咗Big C. 係一間好似外國的大型supermarket.巨型到似百貨公司多啲，好多人話Big C 好多bb嘢買，但係我見到本地嘢非常麻麻，外國貨又貴過香港好多，而本地木製玩具較好但又唔平兼under 2 玩居多，所以我哋只係行吓玩吓......睇吓恩祈同婆婆玩吹氣玩具大戰哥斯拉幾happy.快樂就是如此簡單，未必需要用錢去買。
行完夜街番酒店lobby坐多一陣又番房食啱啱買番嚟嘅雪糕同蛋糕咯！Happy and relax的一day！
沒有留言:
張貼留言