今次輪到同爸爸去旅行，婆婆都有送我哋機，三點半至起飛，先到T2食吓嘢，樣樣都想食吓，有泰式炒河、上海麵小籠包、仲有Burger King......
恩祈帶咗本講搭飛機流程的英文小書，熟讀晒check in、上機、過關、取行李等的程序。
上機前有啲時間去咗候機室的Children playground.佢玩到最後一刻都唔想走，要捉佢上機至得。
我哋就係搭呢架B737的殘機 Flight no.MH385 to Kota Kinabalu.
一見到個馬航空姐就問：我個飛機餐呢？
佢留意到一樣重要嘅嘢：點解冇電視架？我話唔係架架機有電視。佢就話：我啲卡通片呢？我話冇得睇仲好，傷眼睛呀！
去程機上幾乎全部乘客都有戴口罩(回程卻相反冇乜人戴)......人哋話馬航啲飛機餐難食，我又認為都唔係呀，尤其個兒童餐係白汁蝴蝶粉恩祈好鍾意食，而且唔似其他airline的Child meal實有薯條、香腸同炸嘢等junk food.
上昇無耐就由烏雲的香港上空變成藍天白雲的怡人天空。
食完餐開始覺豬啦，六點幾到沙巴應該剛好從機上看到美麗日落，剛巧今日早上下過大雨(後來問人)，因此多雲只看到一絲淡淡的橙黃色。
搭的士去新落成的超大型商場1Borneo.以為好遠，點知我哋遇上的士車神，20分鐘就到咗，先check in 放好行李在酒店，再去mall搵食，搵到呢間"舊街場"Old Town.之後在商場行都餐餐幫襯呢間，好食多款又抵食，又有冷氣好過出town食熱辣辣。第一次幫襯咗怡保雞麵、咖哩麵同椰漿飯。
恩祈最鍾意食怡保雞麵，好香麻油味。
嗰mall好大好大，有如香港的Elements.除咗一般店舖，仲有間大型Toy'R'us同大超級市場，又有shuttle bus出town.都好方便。
我哋連住兩晚的Novotel.好新好靚服務也好，大堂好cyber feel.有門口直通1 Borneo.
房間都好正，300多元一晚超值。
恩祈又有新花款，身驅真柔軟可以練體操。
呢支會嘔藍色泡泡的鴨鴨真好玩。
沖完涼好似包臘腸卷包住佢，佢啲面部表情真豐富，夠晒趣怪，有呢個囡真係平時都happy到死。
臨瞓前表演正確刷牙姿勢，又七情上面。要瞓覺啦，明天要出海餵魚仔呢！
沒有留言:
張貼留言