恩祈同我告狀，話爸爸比佢食香腸，不過佢話佢冇食，因為唔健康，good girl!
今日搭商場早上九點嘅shuttle bus出town.唔多塞車20分鐘就到咗Warisan Square.就在站門口的一間類似Pacific coffee的San Francisco coffee co.食早餐，豐富又fresh的早餐只係Rm11左右，在香港飲杯coffee都唔得，嘆咗好耐至捨得走，搭的士去碼頭Jesselton Point出島玩。
雖然風平浪靜但始終快艇開得好快，恩祈驚到震騰騰，成日叫：停呀停呀！
我揀咗去馬奴干島Manukan Island因為此島設備最好，有乾凈廁所同沖身設施。每人來回船票只係RM17(恩祈free)，唔知點解啲人要跟團只係有接送同一餐唔好味的bbq lunch要Rm150又要比人限時間，我哋有小朋友都係自由至上而且好easy呀，另外仲要在碼頭比碼頭費RM.6，聽講去到島仲要比Rm.10入島費，可能我哋成十一點幾至入到去，冇人收喎又慳番。
約十五分鐘船程，先停一停上面個Mamutik Island再搭一陣快艇就到Manukan.
開始同陽光玩遊戲，係o甘玩沙同擲沙
島上有間酒店，不過冇人會係個泳池游水啦！
個島似泰國珊瑚島，藍天又水清影相就幾好，但我又唔覺特別靚，而且沙粒粗岸邊又好多垃圾，冇乜好感，恩祈玩沙爸爸狂游水，我想搭一點回程船但爸爸話太少時間唔夠玩，我話好曬又想食味雅雞飯，叫佢番酒店再游水至被我迫得走。
有個姐姐見到恩祈有beach toys即刻游過來一齊玩。
望過去個島應該就係剛才經過的Mamutik.看來細個我哋個島好多。
碼頭好多彩色的魚，我哋一拋麵包落去佢哋就上晒水搶食。
為咗塊包中間條魚成個頭衝上水面張到個口幾大，真係搵食艱難。
幾條鹹魚(冇沖涼)由碼頭行咗二十分鐘到咗裝飾懐舊平民化的味雅食著名海南雞飯，每人比多五毫子就可上樓上雅座有冷氣嘅，仲有好懐舊的baby high chair香港實冇得坐。
恩祈一個鯨吞一碟雞飯加雲吞湯加芽菜，仲發現人間極品---桔仔冰，雖然有話梅酸酸哋但佢真係好鍾意飲，連冰都啜埋又冇肚痛真係神仙肚勁呀！我哋兩公婆都唔嘢少食咗兩碟雞肶飯加一碟义燒飯，仲有呢度啲凍拉奶又好正架！
呢度啲住宅十足以前香港的七層樓，好似番咗去五、六十年代o甘，不過呢度啲人好nice又多華人可以問吓路。
行到海邊我哋冇興趣行市集就搭的士番酒店(的士費好貴要Rm.25)途經一座好靚的清真寺。
恩祈在車上攰得滯瞓著咗，我哋就抱佢上Novotel的泳池邊瞓覺，泳池唔大但由於好曬冇人游，爸爸獨佔都好爽。
恩祈瞓醒我哋就落bb池玩水，太陽收咗啲，落水嗰吓凍凍哋又打個冷震先。
一唔曬就衝咗一班又一班本地人上來，變得迫咗，而且佢哋好驚曬著好多衫游水，搞到我哋怪怪哋。
沖完涼又行mall遇見同恩祈等身高的Dora
我哋又去舊街場Old Town開餐，地道嘢正宗又好味。
間Toys'R's好大間又有排玩，又見到另一個Dora布公仔。
最後行埋間巨型超市買嘢食，其中買咗呢度出名的雪條，好厚好濃味唔似香港的冰條，恩祈揀咗粟米雪條好like.我哋比支差唔多色水的榴槤雪條叫佢試吓，佢一聞到就話要走呀走呀！
沒有留言:
張貼留言