日本大阪京都和歌山五天團@day 2 2009.03.31 (part.1)

名古屋→京都→平安神宮→嵐山→清水寺→大阪心齋橋、難波不夜天→神戶

呢間酒店的早餐buffet真係好多款同最好味，地方又夠大環境又好。

第一個行程係京都的平安神宮，逢係神宮地上都鋪有好多石仔，恩祈又興奮的踢踢踢！

京都的櫻花樹開始開花啦。

踏入櫻花季節，好多和服少女到京都賞花呢！

導遊話清水寺最多櫻花......好彩我唔信，見到有靚櫻花照影，真係估唔到最出名多櫻花的清水寺居然係幾乎冇開花嘅！不過平安神宮的櫻花都只係開花度30-50%，好少滿開的花，未至於櫻花盛放，有啲失望！

跟住去嵐山風景區食午餐之後就自由活動，呢個日式餐盒就係日式風味餐，味道就認真麻麻。

經過嵐山的渡月橋過對岸有很多盛開的櫻花樹。

恩祈自己揀要食應節的櫻花雪糕，有淡淡的花香，恩祈食雪糕食得好慢，好滋味地嘆雪糕。