馬來西亞檳城遊@Day 2 2009.08.29 (part.2)

恩祈背後嗰個先至係大人直池

扮游水↓

打水球開心到飛起！

兩美爭波！

佢同gigi玩我至有得去游一游個大人池

check out後在Holiday Inn門口等巴士出town.我的三位男團友(蚊芝老公同兩位細佬)

上咗架超殘冇門巴士只係rm.1.5一位，睇張相就知架車有幾快幾震

半個鐘就到Gurney Drive.點知要行多半個鐘至到The Gurney Hotel.Gurney Drive條直街都真係好長。

蚊芝間大套房未有，先上來我間房坐吓先，斜望都有啲海景。

間房好似apartment望落幾好......但其實我都好失望我睇相以為係豪宅feel.只係開咗幾年但啲嘢保養好差，都係甩甩爛爛嗰隻。

恩祈同蚊芝玩電話都玩得一餐，蚊芝對細路都好有愛心同耐性，將來必是好媽咪。

佢哋仲手拖手行街恩祈好鍾意佢

落去附近個大牌檔食嘢，總結樣樣都係味道麻麻哋，但係好平。

又行番酒店，蚊芝攞到房啦！

佢哋四個人住2 bedroom suite.間主人房同bathroom都係全海景，我哋間房都有Jacuzzi不過好殘感覺唔乾淨冇試過，而個企缸花灑恩祈猛叫佢唔好賴尿(因為漏水)可以諗到有幾爛。

間酒店話自己五星級(四星都冇呀！)又自稱resort.最吸引就係七樓呢度，有泳池同水上樂園(不過由於佢有人造沙灘因此一落水個池底都有沙)，仲有其他gym呀打波呀都好多嘢玩。

仲有mini kids club 同射箭場。

去行完個圈後番coffee shop飲杯drinks(酒店遲比房送的)，我哋三婆孫好攰上房瞓個午覺，佢哋後生仔女又落去游水。

到晚上再集合向最著名的新關仔閣大牌檔出發，由於周末好多人，熱門的檔口都排滿晒人，我哋求其叫啲唔駛排隊嘅嘢果然唔多好味，只係個砂煲雞飯唔錯比恩祈食晒大半碟，佢仲好鍾意飲個羅漢果茶呢。