呢間酒店啲早餐好啱食，尤其啲米粉同炒河正過前兩日出街食嗰啲......聽講呢度好多人排隊食早餐，我哋八點半左右去大把位又冇人排喎，以為冇乜客，點知遲多十幾分鐘就多人到冇位坐，連嘢食都清得極快，前後變化好大好突然呢。
早餐後上泳池玩，恩祈聽到蚊芝話有滑水梯已經好驚(上次在沙巴同爸爸玩過)，加上最淺水部份都到我大腿(即係差唔多到恩祈膊頭)，佢更加唔肯落水，只在池邊踢水等蚊芝，又猛叫我玩滑水梯比佢睇，個滑水梯不知幾好玩佢唔夠膽玩真係嘥晒。
等咗個幾鐘都唔見蚊芝(原來瞓著咗)唯有影吓相，個大人Infinity pool真係幾靚，游水仲望到出面個海(因位於七樓)......睇吓恩祈呆等兼冇得玩的背影幾落寞。
check out前從房望向George Town嗰邊(即係今晚住的地區)幾好天等梗我哋。
午餐就過去酒店旁食"康乃馨肉骨茶"，但煲肉骨茶都係淡味咗啲，唔知係咪就收檔加水呢？不過我哋三婆孫都好鍾意食，因為我哋好鍾意食飯。
有蔡生做生招牌好似好出名，婆婆都要望真吓。
沒有留言:
張貼留言