At Panta Resort:: 早上醒來才發現間房原來係由三間獨立屋共享一個超大露台的設計。Thai Style Villa feel.爽！
個大堂早上影相好靚......
個泳池估唔到仲靚......可惜我哋冇時間(因為下一間酒店更加靚)，享受唔到。
泳池邊執散落的花係恩祈的重要任務
今日個天係咁多日之中最清的，一片萬里無雲的湛藍天空，之後幾日都有幾片白雲。
酒店餐廳對住湖畔食早餐(不過我哋冇包早餐食自己)，影完相又漫步番房(係屋至啱)執行李check out.
約咗昨晚個的士司機九點接我哋，我哋早十分鐘去lobby check out已見佢架車係度等我，抵比啲貼士佢(佢好開心，其實泰國人普遍都係單純的多，佢仲問遲啲要唔要接我哋出機場，可惜我哋一早book咗普吉偉林，雖然未俾錢都要講誠信嘛！)，酒店reception個靚女幫我哋做完check out手續後仲親自送我哋上車，幾warm呀！
唔駛十分鐘到咗位於Bang Tao Beach的Laguna Beach Resort.除咗wellcome drink外，仲有冰凍毛巾同香噴噴的蘭花串。
咁早未有房，我哋先周圍逛吓，碰到一隻只有一歲的可愛bb象，佢好乖不過好鍾意花，人人都喜愛牠同圍住佢，唯獨恩祈唔多鍾意，佢話好臭，我話冇呀，佢居然話係啲草臭(我唔係好明我真係聞唔到有異味)。
小象好頑皮，唔係想食花就係想搶daddy副眼鏡，daddy就捉實佢個小鼻子乖乖影相。
呢間酒店前身係PIC(即係關島同塞班島都有的Pacific Islands Club)因此係一個大型的渡假村，雖然有成二十年歷史但睇個泳池一啲都唔係老土款，仲好靚。
Kid's Club亦係Laguna區中最大的，下面個pool係kid's club內的兒童專用泳池。
呢度父母可放低小朋友，有人照顧同好多節目，而個波波池真係小朋友最愛，又大又多波恩祈開心到震。
沒有留言:
張貼留言