泰國布吉島曼谷七天自由行@ day 2 2010.03.25 Sheraton Grande Laguna

Laguna渡假村內共有六間酒店加上其他周邊設施(Golf Club,結婚教堂,Quest Adventure等)形成非常巨型的渡假王國，因此區內有接駁船同穿捘巴士免費接送，今次我哋坐接駁車，即call即到好方便。

第一個遊覽地方就係六星級酒店Sheraton Grande Laguna.

酒店的最大特色就係擁有全亞洲最長(323米)的蛇形泳池，貫穿整間酒店和湖邊villas.

終點主泳池都唔錯呀！

湖畔大草地好靚好舒服，雖然貴啲下次都要住吓呢間酒店。

另一個人造沙灘泳池，今日好曬啲沙好燙腳。

Sheraton自家的兒童俱樂部，叫VIK "Very Important Kids Club"！

恩祈最沉迷扮公主同玩Barbie

 VIK的outdoor playground.

湖畔別墅叫人神往.......

再見啦，要番Laguna Beach Resort 攞房啦。

reception姐姐親自帶我哋上房，恩祈有啲鬧情緒唔肯行，我哋唔理佢，個姐姐立即抱起佢抱到番房，呢種親切態度同服務除咗泰國都好少有。

泰式tatami上做"Sawadeeka"手勢

Lagoon view room一出去露台就係花園同湖境，令人豁然開朗。

兩父女幾識hea！

搽足太陽油後經泳池行出去沙灘

Laguna Beach Resort最有名的三層式泳池(但係我影極都影唔出現場個氣勢)，同藏於傳統雕刻石窟內的滑水梯。

一行出泳池就係Bang Tao Beach，左手邊的Tom Yan Goong泰式餐廳就係午餐目的地。

對住個咁靚咁藍仲有幾層顏色如李斯德林般海水的沙灘食飯真係難得的一大享受。

雖然而家係泰國最熱的季節，但係布吉都有涼涼海風只要唔係曬住就算三四十度的溫度都好舒服。

呢間唔係酒店餐廳所以都唔貴又冇++(service charge & tax)，呢餐只係830baht.碟咖喱蟹啲汁好正要加多碟白飯，而mango juice亦係最好飲的，我同恩祈講泰國的炒蛋係全世界最好食的蛋，佢居然話係好好味不過同媽咪整嘅係一樣味道，嘻嘻，佢真係掂呀，三歲人仔把口啷過油呀！

個海雖然靚，但都大浪我禁止老公游海水，下集就會番酒店泳池游水。