Elmo crossover Yankie
USJ好多唔同嘅卡通經典人物，有好耐冇見嘅Betty Boop好似仲有"傻豹"，不過撞唔到佢哋啲公仔影相。
本來想睇Hello Kitty--Hollywood dream weddings的表演，一問之下原來因天雨取消(但係當時係陽光普照)，我個樣好失望(我係前 Kitty fans)，個工作人員即刻送張USJ貼紙比我，仲同我講一陣Kitty真身會露面......點知Kitty一出現，令所有小朋友都瘋狂起來。
恩祈被迫至最後(最近鏡頭淺啡色頭髮嗰個就係佢)
Kitty's boyfriend "Dear Daniel"就冇人吼，仲有個真人版鬼仔Daniel
不過恩祈媽咪好勁，可以排除萬難趕走晒啲fans等恩祈一個人獨霸Kitty影咗好耐相，個真人版假鬼妹Kitty有啲唔高興係o甘叫啲小朋友過嚟，但冇人敢過嚟，我見恩祈都好似對Kitty麻麻哋就自動離開。
真係好彩又碰上Snoopy.佢都同Kitty一樣有好多小fans擁上來。
Snoopy's Playland都好大，但係好多好多人，有好多好多細路，驚細路嘅千祈咪入去，因為連我都有啲驚。
差唔多五點我哋去玩埋我哋預算玩的最後一個遊戲--- E.T.由天光去排隊玩完出嚟天都黑齊。
有呢個手印先證明恩祈有在門口度高可以玩，身高超過92cm至可chop E.T.印
排咗一個鐘至入到去，以為有得玩，又要好認真排passport control同行好耐雨林，搞呢啲嘢只係要你繼續排隊，又搞咗半個鐘至上到架E.T.單車，腳都軟埋，好彩恩祈好期待玩呢個遊戲至好有毅力地等唔駛我抱咋！我哋仲坐第一行，E..T.就坐係我哋前面車頭，架單車衝落去個吓好刺激恩祈好大膽居然話唔驚，呢個game都值得排o甘耐。
其實恩祈最鍾意都係E.T.好後悔冇買個公仔比佢，但真係太累要走啦！
出門口大約六點半啲人已經坐滿地下等睇Parade.仲有成個鐘頭至開show真係顛架，我由十一點起玩咗七個幾鐘，都算玩晒我plan的項目都好滿意啦，只係排隊耐咗趕咗啲，帶住一個too old(80歲)同一個too small(2歲)算好順利，快快趣鬆人咯，USJ, we'll be back!
恩祈捱到上車至有得瞓，佢醒咗睇番我偷影佢呢張相，話點解佢有搽唇膏嘅？我話冇搽呀，妳天生o甘靚架！
八點番到神戶車站至食我哋今日第一餐飯，婆婆要食飯恩祈要食麵，就去咗呢間日式西餐廳，點知唔夠食......
又去咗對面間麵檔食烏冬，恩祈個咀仲有之前食啲蕃茄醬未抹呢。
沒有留言:
張貼留言