check out前再在房前美麗的湖景影吓寫真。
約咗兩點有車接去芭東，再周圍在Laguna area睇吓，呢度係婚禮教堂Wedding Chapel
小小的湖中教堂可舉行簡單婚禮，不過係影相靚過實景。
對面係Laguna最新卻又最平價的Laguna Holiday Club Resort.泳池同lobby都細得可憐，又無海灘，絕無resort味道，唔鍾意呀！
最後探埋Canal Village Shopping，原來有shopping同補給品賣外，夜晚仲有得玩有得食。
熱辣辣玩入面的playground都咁開心，臨走坐係接駁車上又見到有小象(Laguna養咗好多象)行入嚟，恩祈個樣好似暗暗叫好，佢唔想再有近距離接觸呢！
網上book咗"普吉偉林"的車，係私家房車嚟好舒服，500baht，在車上比埋明天出島同回程出機場的費用共2500baht，價錢又平又唔駛周圍去講價同格價真愉快，不用半個鐘出到芭東區，我哋今次住兩晚Mecure，又係早前有特價時book四百幾蚊晚，酒店比我預期中靚同大得多(Accor集團的中下價酒店)，張雙人床好巨型呀！
上次住沙巴間Grand Borneo前身都係Mecure但係個房好細只有企缸，而呢間房又大又有露台個透視洗手間仲有埋浴缸，而且好新同乾淨。
個泳池唔大但設計好新穎有小花曬瀑布同按摩池，仲好好游。
酒店都有小型kid's club不過冇人嘅(去晒泳池)，恩祈兩日內玩咗五間酒店kid's club，勁呀，滿足晒！
等daddy游完水(正一游水怪)就去行街街，酒店位於芭東市中心，對面就係Holiday Inn 同Marriott.但原來慢慢行去最大的商場Jungceylon(同一條街向右行)都要成差唔多20分鐘，我仲以為就係隔離咁正。不過近黃昏逛吓睇吓嘢都有fun.
我哋冇正式食lunch.去到Jungceylon先鑽落地庫foodcourt搵食，雖然冇bangkok咁平(都係貴多十零銖)但有冷氣同好多嘢食，我碟辣椒肉碎飯真係好掂呀，恩祈食雞肶河粉個姐姐仲主動幫佢起骨拆肉，Daddy啲麵又好彈牙呢。
食完在Jungceylon買咗件PhuketT恤同熱帶花裙比恩祈(幾好彩，標價100baht好平我至敢買，我唔識講價冇price我唔敢買嘢)然後去行咗"行人天國"Bang La Road的夜市，在Ocean Plaza買咗成件浮水衣比恩祈，好似五十蚊左右，恩祈有咗佢在水中就冇有怕。
行完番轉頭到Jungceylon的Swensen's雪糕專門店，呢度啲嘢食嘢飲好鬼抵又有人招呼。
我見明天生日，就order個Happy Birthday Firehouse.有專人用火鎗即場點蠟燭，都幾好玩，睇吓我幾辛苦至捉得實恩祈唔比佢食住，都未影相。
三球大雪糕仲有三大pat cream的誘惑又好難忍嘅。
問極都唔知點解送樽超大可樂比我哋，我哋都唔多飲汽水嘅，幾辛苦至飲到大半，見咁多就破例叫恩祈試吓唔好浪費，點知叫極佢死都唔肯試一啖，好似有毒咁(我啲家教太好同奏效呢!)，點知俾完錢出門口，個侍應跑出嚟又refill一大樽連埋個紅色品牌膠樽送比我，我唔要佢死都話free比我。我真係飲到想嘔而且個樽咁靚我哋又帶唔到走(太大容量嘅樽就算空嘅都唔可以手提上機)。
呢張朦查查即影相就係Swensen's送嘅，呢度使咗幾十蚊就令我哋好開心。
玩咗熱辣辣的一日，又有新淨大浴缸，恩祈梗要沖番個靚bubble bath.....大個女梗要用泡泡遮點，點知整大咗，恩祈話："嘩！我個"奶奶滋"大個咗呀！"其實係一邊大一邊細，佢自以為大個樣好搞笑。
紮咗一整日孖辮，放下來變成公仔麵頭，成熟晒佢好得意咁樣。
沒有留言:
張貼留言