沙巴六天寫意自由行@ day 4 2009.06.18(part.2)

......跟住去泳池玩，呢度好似水上樂園有唔同的滑水梯同好幾個泳池，我哋梗係揀個最低難度的池比恩祈玩。

但係佢都好驚喎，我哋照捉佢上去玩滑梯，佢大喊：唔好呀！唔好呀！但係一玩完衝落去佢就大叫：好玩呀！好玩呀！

佢搞到啲池水呈現一圈圈好靚呀！

又係我哋兩母女泳裝寫真時間

差唔多六點就轉戰沙灘等待日落晚霞，睇吓個沙灘除咗長不見底外，仲寬闊得好緊要，本來想行過去Ocean wing的高級餐廳Coast睇住日落食晚飯，但一來好攰二來游完水未沖涼濕笠笠，都係直接在沙灘吹吓bubbles同玩沙等待黄昏仲好feel.

夕陽時份的剪影---長腳怪

黃昏晚霞照在恩祈臉上和身上的金黃色真是美麗。

美極了的迷人景緻

睇完靚靚日落去咗Coffee Terrace的室外位置開餐，我哋叫咗好惹味的咖哩魚頭同Laksa,仲有啤一啤，而恩祈自己order一個creme macaroni(芝士忌廉通粉)，只係rm.12好香好好食佢不停口食咗成碗，有冇留意餐餐佢都有阿Belle陪食飯，佢要望住Belle至食得happy.又估唔到個公仔o甘細個佢一路帶住都冇話唔見咗(佢真係幾珍惜嘢架)......呢餐食得好暢快，只係食咗Rm..93.