Tanjung Aru個beach真係超迷你呀！啲泳池分散有好幾個但都好細個，住客一多就有壓迫感，而呢度又成日full喎，仲有就係多東南亞遊客，感覺麻麻，睇吓食早餐幾多人，間Cafe TATU好大間又好多嘢食，但都迫到死，老公唔多鍾意冇渡假mood.
呢啲係沙巴嘅傳統樂器，而每逢有人入住就會打個大鑼以示歡迎，兩間香格里拉都一樣會有架。
我哋搭十點半的shuttle bus去香格里拉集團的另一間resort---Rasa Ria.搭45分鐘車至到呢個世外桃源。
Tanjung Aru 係個大渡假村包住個細小沙灘，而Rasa Ria就係個大渡假村比個更大的沙灘圍抱住，仲係個又長又白又廣闊的超級靚沙灘，而且個resort戶外範圍好大佔地達400公頃，遊客又係鬼佬多較靜較多空間。
去到十一點幾未有房，我哋就行去私家地帶Ocean wing.呢度啲套房好大貴成倍，又有private pool.不過恩祈瞓著咗我哋就在此抖咗成個鐘.兩點番到去同我哋做check-in手續個女仔氣急敗壞話周圍搵唔到我哋原來一早又有房啦，佢估唔到我哋行咗去Ocean wing.又猛say sorry送到我哋入房，番到房又有manager打來say sorry猛問我哋有乜需要，老公話不如屈佢buffet coupon我本來都想，但見佢o甘nice又唔好意思，之後我話比佢聽我join咗明日二點Orang Utan tour.佢就話比我1點late check out. o.k.啦！
我哋今次訂咗seaview room.住在五樓，房間係分層式設計，知道有小孩入住仲在下層舖好床舖，恩祈又扮瞓覺，晚上當然會瞓番大床中間，唔係會跌落床架。
房間外望風景。
沒有留言:
張貼留言