今日早上六點機，搭四點鐘的shuttle出機場，因此三點三就要起身，昨晚十點前就上床，但係擔心唔知醒加上頭頂個風扇吹得太勁(一熄恩祈就嘈)所以成晚都瞓唔著。而估唔到恩祈一叫就醒，雖然佢口口聲聲話唔番香港，但係我哋一起身佢就起身，生怕我哋留低佢，佢越嚟越似大人o甘有能耐，下次可以安排吓啲更艱辛旅程佢試吓。
四點半到機場，原本開六點的機delay兩個鐘開八點(番香港至知原來delay每人有張Rm.200的coupon.delay得好值得呀!)就在麥記開餐，食完恩祈仲坐係度瞓著咗。
delay都係好事，因為呢邊要七點幾至天光，可以影吓同飛機合照。
bye bye Penang!恩祈每次上機都立刻自己扣好安全帶同好留心睇安全咭點逃生，真係一個又小心又怕死又識照顧自己的三歲小孩。
*****************************************************************
下次旅程預告：2010年3月24-30日，泰國布吉島+曼谷七天
沒有留言:
張貼留言