下午出發去下一間酒店，由Gurney Drive搭hotel shuttle 到George Town連塞車都只是十分鐘，Rm.14坐架七人靚車都o.k又舒服........途經一些舊建築，個司機係華人話下面個廣場前面就係唐人街區。
由於明早六點超早機，亳不猶疑就訂咗呢間超平酒店Tune Hotel.我早個幾月在網上book都唔駛hkd100蚊(如果早多一日book就係最平價50蚊)，只係開張幾個月又在市中心，我起初同佢哋兩婆孫講明間酒店乜都冇佢哋不知幾擔心，恩祈仲問有冇床架？點知入住後都滿意，張床係幾晚酒店中最舒服的，雖然係冇冷氣(我哋冇加錢book而且個吊扇都吹到好勁)同埋開咗窗都好嘈，但只係瞓幾個鐘好抵呀！
在lobby等咗個幾鐘(lobby有冷氣恩祈仲瞓著咗)等埋行路嚟的蚊芝Family.就一齊行番去剛才提過的唐人街區同Penang road附近，第一站首先見到一柱擎天的光大中心。
又食咗蚊芝話最出名的一檔煎蕊(甜品)，好多人排隊買但其實在後巷好唔衛生，我哋兩母女真係"神仙肚"，食咗都冇肚痛。
"花樣年華"時代的古董街景
想試吓搭呢啲三輪車但係太熱放棄咗
蚊芝鍾意影郵筒合照，恩祈又不請自來。
滿臉風霜的婆婆，襯晒呢種殘舊背景。
我哋決定在這間"和平茶餐室"開餐。
終於食到最最好味同最夠鑊氣的炒貴刁同炒飯，足料又大碟只係rm.3.5(hkd$7.7!)一碟！
就係呢一檔炒嘅，恩祈都話頂呱呱！
早啲番酒店休息，明早(即係今晚)要四點鐘車去機場呀！
沒有留言:
張貼留言