晨早五點幾比我媽媽捉睇日出，好在係房就睇到：海中日出。
日落睇得多，日出好少機會睇得到，仲要睇彩數。
食完早餐就離開這間鄉下酒店番大阪
沿途都係和歌山美景......有位團友肚仔急call,又多個海景休息站影相。
只需三小時車程就到食午餐的BBQ buffet餐廳，生熟食物甜品雪糕都一大堆。
日本食燒肉buffet真係好抵，如果我老公有跟嚟玩，相信只有呢餐佢滿意同食飽飽
這位就是我哋個靚仔導遊阿Paul.佢一個帶四十個人完全掂呀，我覺得佢真係帶得唔錯，講解方面詳盡得來又唔會同啲客太close.令我哋有個愉快旅程。
食完飯好快就到咗關西的outlet,我第一時間去Miki House.佢個kids corner有自家品牌玩具任玩，令大人可安心shopping.
我自細都鍾意Miki House超可愛不過就超貴，今次又買咗件靚衫比恩祈，佢就好啦我鍾意都未著過。
之後又去咗adidas kids買咗兩對涼鞋仔(每對約$80)同Gap買咗一堆嘢比恩祈仲有一件T恤比daddy.我反而唔捨得買比自己呢！
時間剛剛好，恩祈在集合處做出這些小鳥飛翔的姿勢，係佢近排的新創作。
由oulet話o甘快又到咗機場，搭呢架CX507直飛香港
睇佢兩婆孫玩到幾謝(我仲謝呀！)，有老有幼可以坐優先座席等優先上機。
回程的child kits係"五星級大鼠"的系列，又有卡通片睇，四小時機程好快過。
**************************************************************************
好慶幸今次旅程又係非常順利，天氣又好(8-17度的氣溫，早晚溫差大)，導遊好團友和善，行程安排妥當，$4099去日本5天相當抵玩......好啦，又要準備下月15日出發的沙巴自由行啦。
沒有留言:
張貼留言