食完超飽午餐後，行番酒店佢哋居然就即刻落泳池玩水。
daddy用新買的防水相機同恩祈影低水中英姿......佢一係就剩係對腳識游水，唔係就雙手游水(腳掂地)，真搞笑。
又見到小象bb泳池出巡，其他小朋友好雀躍，恩祈卻避得就避。
另一個位於上層的游泳池係水上排球場，恩祈成日話個水球跟著佢曳曳。
滑水梯好受歡迎，位於石窟內彎彎曲曲深不見底，但其實好小兒科因為可控制落得好慢，恩祈又係由話唔玩到話好玩要玩多一次。
今晚book咗Lotus restaurant 五點半接去食seaview dinner,在lobby等咗一陣未見，reception幫手打去問原來搞錯咗三點半，又即刻派車來接過。
去到已六點，剛好迎接日落晚霞......配合Yankie吹bubbles好美呀！
daddy幫恩祈著的裙子現在才發現掉轉了穿，算啦，個心口位高咗當另一個款式啦！
Lotus最煞食就係sunset,我哋個幾星期前已book定 in-door seaview位，而細路就在眼前玩堆沙大人談心真不錯。如果冇細路可訂前一排的outdoor-on the sand仲浪漫。
咁浪漫叫杯嘢飲慢慢歎先，西瓜汁好fresh又起沙，雖然同中午食嗰間Tom Yam Goong都係海邊餐廳但個feel全然不同，前者好raw好自然，呢間裝修高級同靚得多，仲有live band伴奏，但我哋坐得遠啲只有輕柔歌聲剛剛好。天黑又看到星星月亮同有人放大煙花，不過只有好天氣至有如此景致(而家係最好天的大旺季啊)。
恩祈好欣賞佢碟肉醬意粉，連麵包都食埋.......我哋啲冬蔭公同其他食物都具水準，不過菠蘿炒飯就好迷你，午餐食得遲又飽，唔係呢餐咁少嘢都唔夠要再加，唔緊要浪漫搭夠，埋單1100baht非常滿意。
門口好多海鮮可自由拍照，以每100g計價錢都唔貴，但係逐件秤起初我哋怕麻煩冇叫，後來有啲後悔冇試，下次再嚟。
沒有留言:
張貼留言