有小朋友就要去芝麻街樂園，恩祈玩咗成個下午，婆婆就坐咗成個下午。
大鳥劇場表演未開始，先入去玩住一樣機動遊戲。
一點半表演開始，我去food court買咗Angus Hamburger & Chips.一百蚊一份但啲牛肉又厚又稔同Chips都好食，恩祈第一次試食薯條，佢話四歲大個咗想試吓，果然不出所料，一試就停唔到口.......不過後來佢都嘔番晒出嚟,返h.k.都唔敢再食。人人都買巨型杯庒汽水飲，我就買500ml fresh O.J.都係$4.95仲抵飲同healthy啲啲啦。
個Show開始，都係啲卡通人物跳舞，但我覺得USJ(大阪環球影城)啲Sesame Street Show跳得勁啲又有互動好睇啲。
成屋都係公仔送都冇人要我唔會買，淨係買咗兩個Elmo同 Abby磁石貼。
番去繼續玩埋其他機動遊戲。
在大鳥劇場見到Elmo同Abby同人影相，但係唔准自己影，要佢哋架相機影。
又係成百蚊張相，本來淨係買恩祈張相，點知佢又話要媽咪嗰張，盛惠Aud$30.
跳樓機冇開，玩埋騎木馬終於可離開Sesame Street Beach.
太陽開始收，天氣開始涼，衫又著唔夠，我仲買雪糕比恩祈食，就係咁，"乃"晒嘢！
行番出門口，睇到海豚同遊客玩拋波又見到大大隻塘鵝。
最後仲有下面個海盜式花式滑水表演，因為無晒位坐，我叫婆婆去上圖的海豚隔離的櫈坐，我哋喺轉彎位置睇，睇完婆婆就失踪了。
搵咗大半個鐘，婆婆至打電話比導遊，原來佢又行番去Sesame Street搵我哋........撲咗一輪又嚇親我哋都好攰，上到旅遊巴恩祈同Agnes同班姐姐玩得好開心，之後仲有時間去Gold Coast Duty Free Shop.
再上車搭一個鐘左右去Brisbane.途中恩祈瞓到死豬，仲發現佢發燒，摸落仲係好高燒，事出突然，剛才至玩到顛嘅。去到中餐廳佢冇胃口，食咗兩啖湯飯仲嘩啦嘩啦嘔咗出嚟，一地都係，我諗住比啲tips個餐廳侍應同say sorry搞成咁，佢死都唔要仲話唔緊要又問要唔要水，食咗啲藥抱恩祈上車出機場。
坐QF97/2305pm夜機，恩祈一路高燒昏睡我幾怕出唔到境，幸好係夜機，啲外國人好體諒細路以為夜咗眼瞓，由過海關到移民局佢都係bb車上瞓著，如果喺香港，一定要細路開眼望清楚至比過關(其實咁至係正路)，上機前閘口空姐見我抱住大舊B(佢要先收bb車上機)好憐惜的叫我坐低仲比我先上機，(我真係好鍾意澳洲人呀，唔似啲美國人自私又成日要tips)，上到機check體溫成39.6度，過咗幾個鐘見恩祈醒一醒抱佢去廁所，個鬼婆廁所開門唔出嚟同空姐吹水，恩祈等等吓在佢哋面前地下又嘩啦嘩啦嘔一大堆，等佢哋傾完我指吓地下佢哋至知，我又say sorry個空姐又話冇問題成日都有發生又問要唔要藥。番到位恩祈精神好啲食少少嘢同睇"史力加 4"喎！但係之後去廁所佢又喺洗手盆度嘔，冇嘢嘔只係嘔黃膽水好可憐，佢都好乖每次都係廁所嘔，如果係個seat位嘔就慘啦，全機滿座冇得調位。
其實婆婆都好唔舒服係咁咳，成晚喺飛機就係咁照顧佢哋，第二朝六點到咗香港，以前通常都會同細路量體溫，好彩今次又無唔係又要即刻送去急症室就有排捱啦。出到去見到daddy接機真開心，本來我叫佢唔好嚟接機因為佢仲要番工......番到去佢哋都病咗差唔多成兩星期，好彩暑假唔駛番學，今次旅程好好玩係臨走至出事總算吉人天相好感恩。
Next Trip: 2010.11.04-2010.11.08 Japan 5 days tour 去日本東京同富士山賞紅葉呀！
沒有留言:
張貼留言