2010.08.17 今晚會搭夜機番香港啦，因此Sea World就係澳洲的最後一個行程，要盡情玩埋佢.......今日恩祈終於可與同佢年齡最夾的團友Agnes(3歲半)一齊玩，記得第二日到Gold Coast嗰日，Agnes就主動同恩祈姐姐講: "我哋可唔可以一齊玩呀？"，點知跟住佢嫲嫲跌親腳就冇跟團啦，只係早餐玩過吓，到今日至一齊去Sea World.
入咗去睇海豚表演先，都係嗰啲表演，但係就同觀眾好接近咯。
用standard lens都影到咁近就知係好近距離。
恩祈淨係掛住同Agnes玩，都冇興趣睇，所以冇再睇其他啲海獅、企鵝show.
參觀企鵝館，又係冇玻璃隔住的開放式設計。
跟住去Shark Bay.除咗有鯊魚之外，仲有呢個都幾大範圍的touch pool.
恩祈示範正確touch海星姿勢，而婆婆就示範錯誤姿勢，即刻有人出嚟勸止。
呢度真係好好玩。
海星摸落去好似硬骨骨，但睇上面佢哋依偎住石頭的姿勢又覺得佢哋好柔軟，下面有得解釋，好得意的海洋生物，大家以後見到唔好再當佢哋係石頭咁大力掉落海呀。
粉紅色的海星好可愛。
成個Shark Bay好大好靚......比我影到鯊魚仔同兩條小魔鬼魚同游。
我哋兩母女互影對方
大人用大機，細路用細機，傻瓜用傻瓜機！
魔鬼魚館，估唔到呢度同touch pool一樣令到我哋咁開心！
呢度啲魔鬼魚好有人性，一見人就"片"上嚟好肉緊，好想你摸佢，仲跟到你好實好貼，諗唔到佢哋可以表現得咁可愛。我應該係影video至影到唔應該淨係影相。
恩祈唔夠手長去摸，佢哋就出盡力再游高啲出晒水面，恩祈終於掂到幾吓。本來諗住經過呢度望兩吓，結果好玩到令人唔捨得走。
第二次行番去北極熊館至睇到Polar Bear.
可惜只係行嚟行去，睇唔到佢哋嘅可愛泳姿。
下集會去Sea World內的小朋友樂園----Seasame Street Beach!
沒有留言:
張貼留言