五歲人啦！

恩祈最近的口頭禪：我五歲人啦！即係大個女，親力親為，proud of you!

身高108cm體重16.6kg.獨立性強，(只是仍黏著媽媽睡和摸住媽媽耳仔)，自己擦牙洗臉穿鞋襪換衣服是理所當然，最近換個細花灑頭比佢學沖涼洗頭，而Miss Helen亦教佢綁蝴蝶結，但穿鞋帶有難度仍學習中，用數字針學睇鐘同手錶已無乜問題(分鐘就未教)，加減數五之內o.k.五至十都有時可以，行為好乖有禮貌，(就是愛同婆婆鬥氣)，去買餸會幫手拎嘢，安全意識很高，非常小心同留意路面交通(從小就好小心，怕死！)了解到男女有別，已開始唔肯再同男仔拖手。為人開朗，說話有時很急就不清楚，但比兩三歲時口齒已伶俐好多，小時的牙齒好疏同參差不齊，但現在的乳齒變得好整齊，奇怪！到兩歲仍未有多少頭髮，現在雖也不算太多但非常柔滑同帶有淺啡色。

現在的課外活動有：鋼琴、芭蕾舞、跆拳道、畫班、游泳同Jelic Class.暑假期間會學多一樣陶藝創作(只有五堂)，恩祈的班主任怕她太多興趣班唔夠休息，但其實她仍有很多時間玩同發白日夢，在家愛玩barbie同不停地畫好多畫，問她有邊樣興趣班冇咁有興趣，佢總話冇唔可以cut喎！而且每位老師同教練對佢評價很高，我看主要不是她的天份高，而是她學每樣嘢都好專注留心，好似游水我見佢冇人教時都會自己好努力練習，這就是我最欣賞的。

(2011.07.10)