第一次剪頭髮

2008.06.26    恩祈昨日第一次剪頭髮啦！其實前面的頭髮已經長到篤眼好耐，婆婆催我剪好多次，但由於童年陰影(婆婆同我剪到好肉酸唔見得人果隻)，睇到人哋同自己bb剪都覺得唔齊唔好睇，加上恩祈的頭髮得來不易(自小光頭冇乜hair)，更加令我逃避，只係同佢紥條辮仔或夾仔夾住前面，不過佢一陣又會扯開......到昨日我才鼓起勇氣用剪髮專用較剪(以前用嚟剪貓毛)剪吓前面啲劉海，原來恩祈啲頭髮又柔軟又簿好易剪咋！亂剪幾下都o.k.喎。到今日婆婆竟然大膽到偷偷剪咗佢後面啲頭髮，氣得我呀！後面唔易剪架，有啲一忽長一忽短，不過算啦唔太覺，我想恩祈可以好似我以前長髮飄揚幾靚呀，唔知要等到幾時？

2008.06.27     呢個就係我正式的新髮型，昨日post個張未剪後面架！
(媽咪剪前面+婆婆剪後面)=亂剪一通新髮型！
我好彩過媽咪細個嗰陣，起碼仲見得吓人。
係啦，大家睇我今日個樣，似唔似發咗一日一夜高燒呀！醫生哥哥話我乜事都無可能出疹，媽咪就估我出大牙，仲話我發燒個人重醒咗啲，真係俾佢激親。

100日大光頭仔呀！