恩祈身高88cm,今個月體重又上昇至10.8kg啦！今期最愛吃小香梨和豆腐花，會滋味地說yummy yummy.上月改用Nuk玻璃奶瓶，但用咗一個月後因mami沖完支奶放檯上，她自己拿來飲時只揸住個瓶蓋又未蓋好就打爛咗，不過這半年她都用玻璃杯飲水都未試過倒瀉水，她是不用學習膠杯尤其有飲管個隻飲水，反而飲紙包鮮奶同維他奶有飲管又肯啜。
最近肯靜心自己看書和肯聽mami講故事書，也會發問和有自己想法，亦肯跟dvd讀出英文生字，不過我冇考她免有壓力，由於安靜和獨處時間多了，加上瞓多咗冇搞mami，因此mami精神和脾氣都好多了，她好重視mami的心情，常叫我開心和話自己"乖呀叻呀"博我一笑。睇到電視有打架場面都會話唔好睇，想喊同講曳曳，見到受傷場面又會聯想到"病病、要食藥藥"，最近唔知點解唔多鍾意睇番自己bb時的movie,有次睇到爸爸抱住自己bb時個段片，仲默默地流淚......唔知係唔係以為爸爸抱住第二個bb呢！
愛玩泥膠同變魔術，但佢啲魔術動作好慢好水皮，得啖笑！識得用手勢比劃出大和小的分別，說話多多形容詞，又成日喊：好痛呀！救命呀！有冇人呀！唔該借借!
開始戒日片啦！日頭改著底褲仔代替尿片。仲有用花灑沖涼都唔再驚啦！
恩祈就是這樣一碗飯一碗餸自己食飯
沒有留言:
張貼留言