2008.07.11 第一日開始戒日片，居然第一單case係poo poo,因為她每次都會講："我好肚痛痛！"我立即同佢除褲放在potty上，佢個樣不知點算好，我就去咗廚房做嘢免她分心，不久我就聽到她大叫，她踏住個potty望住堆poo poo好大堆好驚，我就好開心她成功咗大力錫佢同獎佢一粒羊奶糖，但係反而v.v.就好失敗！四小時共有六次，只有一次成功在potty內，洗咗五條褲仔，平均30-45分鐘就有v.v.有冇搞錯？
我第一次唔用片片，大個女啦！yeah!
唔駛一陣，又整濕埋個potty,媽咪重要我自己清理抹乾凈。
2008.07.12 估唔到第二日就大有進步，差不多一小時才尿濕一次，由於她不懂示意，要濕咗先至講"熱辣辣"，因此時間一到我就幫佢除褲，只要冇著褲她一有尿意就會主動去potty搞掂，然後好興奮的大叫"有呀有呀！"，我過去一望真係有佢就得戚的講："乖呀叻呀！"重一路跳住舞唱Dora的 we did it!we did it!佢已經從中得到成功感，不須再用糖去鼓勵。
2008.07.24 戒日片差不多兩星期，大部份時候都會示意去v.v.而且延長至個半至兩小時至去一次。出街去公眾洗手間都冇問題，午睡兩、三小時也不會尿床，昨晚連夜片都冇濕過，本來都冇打算戒夜片的，由於仲有好多紙尿褲，出遠街同晚上會著片防身，但會當係著底褲仔一樣要佢去廁所解決，免得懶一時功虧一簣！
其實戒片一定要有決心，我仲一早準備好一切，除咗恩祈有一個非常合適像大人廁所坐姿的Kitty potty外，首先買定一些多層棉質戒片褲仔，就算濕咗都唔覺漏，不用拖地只需洗吓大人冇o甘辛苦，真係好用，紙尿褲用完我就會用戒片褲比佢夜晚著，日頭改著普通底褲仔等佢再舒服啲同容易啲學吓自己除褲坐potty.
又預備咗流動廁所出街用同bb廁板放在屋企廁所上，但現時為止兩樣都未用到。
呢條係Becky送的防尿墊，好靚又啱用，不過始終有塊嘢墊係床都影響到睡眠質素，而且佢用過幾次都冇尿濕床暫時唔用住再睇下。
沒有留言:
張貼留言