11.3kg重，臨瞓前自己刷牙同梳頭，可數中文同英文的1-20,同識背爸爸手提電話號碼八個字啦，英文字母就認得一半左右，因為佢唔係順序ABC學，係佢喜歡學至問人，但係仍然係認顏色好差，最叻反而係冷門的黃色同綠色(中英文都o.k)紫色都識，紅色同藍色就唔係好得。睇得多"小小愛因斯坦"動物篇，而家啲動物己可細分為鯨魚、海豚、海獅、北極熊、猩猩、樹熊等等全都分辨到甚至英文名都讀到，好surprise!不過要數最好記性就必定係每個人的生肖，只要講一次隔幾耐都背得出。踏單車純熟識轉彎同揸得好快，最近秋涼兼daddy番下午班，朝朝到公園玩或者跑步去海邊，又happy又healthy!
在屋企鍾意砌lego、睇書同打波之外，最近又鍾意玩彈波子有時又會將波子排成一行玩。愛跳舞，捉住人一齊跳。口頭禪係so good!又話黎姿姐姐長頭髮好靚要留長佢。
去完泰國玩之後用詞更多更清晰，而且很懂說貼心體己話，好似我每次煮緊餸，佢都會入廚房同我打氣："整得好好呀！so good!唔該媽咪，唔，好香呀！"見到婆婆咳又會好溫柔的拍拍她同摸摸她頭髮講："飲杯茶呀！小心啲，休息吓呀！"又知道爸爸番工好辛苦賺蚊蚊我哋至有錢用同去旅行(我己經開始灌輸理財概念，錢從何處來如何用同玩買賣遊戲，順便學埋數學)，佢仲學識揼骨都幾好手勢架。
今個月又為恩祈買多一份保險，係教育基金，要供十年。
姑姐送咗一隻會吠會嗑眼瞓覺兼扯鼻寒(好似洋娃娃Lilou)的狗仔比恩祈好好照顧呀！
沒有留言:
張貼留言