2010.05.14 今日開始恩祈四歲生日極速星加坡之旅，早上九點到T2 Jetstar Counter check in.然後去食咗個難食的早餐，好在係員工價都平嘅。
入閘後在玩具似的飛機模型玩咗一陣。
1110am機1100am至closed gate又要駁車實late啦，好彩去到星加坡個arrival time都係一樣。
第一次搭乘Jetstar.啲機冇Airasia咁新仲好窄，飛機餐成$50蚊份(AA只係$20左右)，都係唔食啦。今次服務員男仔多，落機時恩祈話拜拜空姐哥哥。
差唔多三點到星加坡機場。Angela同Eric一早已在等接我哋，跟住去接埋Pearl.佢係當地導遊幫我哋買到平飛，Zoo ticket S15(原價S18+S5tram)同USS ticket S64(原價S72)，之後車去little India我哋住的酒店放低行李。由機場出市區揸車好似耐過搭地鐵好多，又塞車，恩祈可能冇食嘢居然第一次暈車浪，好彩係空肚只係嘔咗幾啖水，否則嘔嘢落人哋架Benz度就真係見面禮咯。終於搞到成五點至去到Marina Square食嘢同傾吓計聚舊。
跟住Eric車我哋去Sinapore Flyer(因為佢細仔發燒要返去啦)，上年我買的Jetstar promo ticket(只係呢一次最抵同最多嘢送)，憑boarding pass就可免費玩Singapore flyer.佢嘅門票好貴，成百幾蚊一張，但係搭過就明白佢嘅成本同造價都好高，值咁貴。不過如果要比錢嘅話，就好似上面架仲貴的duck tour一樣，我係唔會玩咯。
車廂成粒大藥丸咁，內籠好大有冷氣有長櫈坐，好舒服，恩祈跑來跑去都好定，郁得好慢，啲景冇乜嘢特別(夜景可能靚啲)，走一圈要半個鐘，不過又覺得好快過。
到達時個天好黑，以為就快落大雨，點知上到摩天輪上個天又清番啲，仲有咸蛋黃日落睇。
全世界最大的摩天輪及其車廂。
本來諗住搭的士去老巴剎，但眼見前面塞車塞到睇唔到條尾，就唯有行過去啦，其實望過去都唔遠，但係星加坡唔同香港，好多地方係望到但又冇路直行到過去，加上露天多真係曬死咗都未到.......好在夜晚冇太陽曬涼啲啲但呢度係濕熱都係好熱，又容易行錯唯有邊行邊問人，唔怕醜問咗大約十個人終於順利地好快行到星加坡河，星加坡夜景好靚呀！個大榴槤係地標濱海藝術中心Esplanade即係香港文化中心嗰啲嘢咯，隔離望遠少少就係啱啱玩完個Singapore Flyer啦，夜晚著咗變色燈好靚好浪漫呀！
三座神主牌就係新開的金沙賭場，恩祈一聽見話係金沙就眼都大埋，呢度唔係金莎朱古力個城堡呀小姐。
影番啲例牌星加坡招牌相----同魚尾獅合照，上次同老公日頭嚟曬瓜咁濟。
離開魚尾獅公園再前行多唔駛十分鐘，就到咗我估有上百年歷史的美食中心老巴剎。
啲炒嘢食水準比上次差好多，可能我揀錯檔口啦，但係沙嗲串燒(S6十串)又幾好味，個芒果沙囉就真係好好食，食完透心涼。
維多利亞式的建築好古雅。but變成著名遊客區後開始變質。
食完九點幾搭的士番酒店，其實地鐵只係兩個站但的士平費事行啦，但又塞車又轉來轉去成二十分鐘至到。住Perak hotel位於小印度，初時網上睇見間酒店唔多開胃，但係星加坡酒店呢幾年貴到飛起，上次2003年我哋住City Hall站樓上的五星級靚酒店Raffles the Plaza有大房間有靚泳池正早餐都係七百幾蚊一晚，而家呢間早成半年前book有$250 voucher都要$448晚(原價$698)，出發前我見到而家仲要成八百幾蚊晚同full得好快，其他普普通通的酒店都要千幾蚊晚呢！
外型好似檳城所見的舊式小樓房，其實都唔似酒店只係小旅館形式，有啲似我哋住過希臘Santorini島上的家庭式旅館，個lobby好似客廳，行過啲個餐廳好似飯廳，好有home feel好warm.怪唔之得啲鬼佬話正啦，真係有別於大酒店的豪華同冷漠，係另類體驗非常好，只是房價偏貴咗。
我上網睇啲房蚊型好細間，reception話見有小朋友比間大間啲同好啲的房間比我哋，而且就係lobby行入去轉彎就係，我都未住過咁近lobby同咁方便的酒店，而且地下呢層只有八間房間，番房就好似番屋企睡房咁，我哋係第二間108號房，入到房雖然都係細但大間同靚過網上圖片，daddy好滿意(最怕佢嘈話唔like)，而恩祈仲話間房好靚佢好鍾意，大少爺同小姐喜歡我就放心啦。(不過個廁所就真係好細沖涼冇地方放嘢好唔掂)。
恩祈嚷着要試吓Angela姨姨送比佢的公主式紗裙，著咗好靚女呀，仲有幾本Hello Kitty書都係送比恩祈的生日禮物。多謝Angela妳好有心思知道恩祈的喜好呢。
沒有留言:
張貼留言