最後一日假期，當然最relax.一早去咗游水，今日係我同恩祈玩水玩得最開心的一次，因為，我冇帶相機，可以專心同佢玩咯.......之後又舒舒服服地行去對面的Siam Paragon底層的Gorment Market買啲嘢食手信。
跟住都係受唔住高貴的文華咖啡室嘅誘惑，行咗入去......
wow!個set lunch 只係490baht.上面個頭盤tuna好少但啲菜好fresh呀！
主菜係鱸魚炸得好香入面又滑，啲伴碟腰果仲正，估唔到仲有碗飯跟。
Tea set貴半島50baht(470baht)但係精緻美味得多。怪唔之尋日見到半島冇乜人呢度就full晒。
壺檸檬草香茶仲係heat住。茶味真係好香，平時我在香港好憎lemongrass因為啲蚊怕水好難聞，但泰國酒店啲房周圍掛住啲檸檬草袋呀、用啲檸檬草番梘洗頭水又覺得好味好怡人咁喎，真奇怪。
仲有雪糕同朱古力brownie.oh!恩祈太滿足啦。
幸福滿瀉的樣子......都唔知食邊樣好先，都係最鍾意的朱古力條先。
十一、二點好少客人可以好hea，環境又好舒適寬敞，好在有揀呢度嚟食咋。
個餐最後仲有大杯Mocha同文華cookies奉上，真係食唔落，Mocha只飲到一半曲奇就打包上飛機食啦。
咁豐富的一餐埋單只係1153baht，即係300蚊都唔駛，在泰國我哋真係試咗唔同嘅嘢食覺得餐餐都好滿意，但令人最難忘(食+環境)都係呢餐。恩祈好唔捨得啲甜品，又數吓剛才食咗啲咩款式。
Siam大把商場，我哋都未使搭過Skytrain呢
一點左右番酒店Novotel on Siam Square攞埋行李出機場，今次出機場仲快用咗半個鐘，但唔知點解個meter比來時跳多100baht.到咗機場，恩祈話：泰皇呀！
我哋冇行李寄就試吓用self check-in部機，好easy唔駛排隊，出broading pass 快靚正。
下午四點半機，慢慢行吓試吓同買嘢食。
上到機又砌puzzle，除咗daddy個Chicken rice外又order咗個Child meal比囡囡。
我就享用在機場剛買的芒果糯米飯。150baht就有新鮮整嘅，唔錯呀！
*********************************************************************
今次泰國自由行真係好正又好抵玩(次次都係咁講
)，玩七日總共係用咗九千蚊，仲唔抵呀？仲好開心.......下期旅遊預告：2010午5月14-16日,星加坡，我哋又嚟啦。
沒有留言:
張貼留言