今日冇特別行程，好輕鬆同隨意，九點幾至去Old Town食早餐，係呀又係佢呀，全間商場得佢開咗舖有得食早餐，原來呢度嘅早餐至係最正呀。
個泰式米粉大大碟加杯出名的Old town white coffee都係hkd$10左右，個菠蘿油同咖吔多士又好掂，hkd$40幾蚊食到好飽呢。
跟住上房執行李搭的士去Shangri-La's Tanjung Aru Resort(Rm.35!)，開放式Lobby好闊大好涼爽又勁有渡假feel.有啲似Club Med.仲有專人來同你check-in.可以坐在梳化飲杯wellcome drink舒舒服服等key-card.香格里拉服務very good!
我哋係訂最平的mountain view.我冇RQ upgrade因我想住garden wing好似新過Kinabalu wing(間resort超過20年，前年剛翻新)，上到房個露台有大半都係seaview(仲要住最高六樓可望到真海景唔似低層比樹遮住)另一面又望到飛機降落總之冇山啦，間房又全新裝修嘅好正呀。
Garden wing魚塘啲魚一見有人行近就即刻由四方八面游過嚟，唔驚人得來又醒目，我哋又將隨身的麭包奉獻比佢哋，但係啲魚好得意冇顏色架，老公話原來啲金魚或錦鯉都係越養會越淡色，尤其係冇好好照顧嗰啲。
恩祈見到kids club就狂奔入去玩，呢個room係比細個啲小朋友玩的baby room. 4歲以上小朋友可以放低有節目安排比佢哋玩，等父母relax吓，恩祈差小小其實都可以放低(佢都o.k.架)不過我唔捨得只係出咗去一陣都係返去陪佢。
玩到成兩點至去coffee shop Cafe TATU食嘢，一碟泰式炒河成rm.34.但係個兒童餐炒飯只係細碟小小只要Rm.24.而且仲附送H記雪糕，好full.
跟住三點我在poolside counter報咗名玩henna tattoo.恩祈臨時縮沙我就畫咗個白羊座在左臂上，但係可能我未乾透就落水，好快甩晒咯！
為咗襯番恩祈套新泳衣，我都搵番件陳年一件頭著，件泳衣其實只係橫紋，唔知點解post咗上yahoo變成有波浪同圓圈，可能佢壓縮咗啲相變咗形。
今日天氣多雲，眼見唔會有靚日落睇都廢事行去原本plan去飲嘢的sunset bar.番去沖涼同休息一陣後，落中菜"香宮"食晚飯，呢度好靜得幾枱鬼佬食，唔似coffee shop好多人食buffet.而且水準好又平，每碟都係rm.15-17即係30多元一碟，香格里拉香宮喎，係香港都不知幾貴......碟馬拉盞薯仔菜最好食，呢度除咗中菜一樣有local food 食。
食完飯恩祈又要去kids club玩，玩咗無耐八點鐘要close啦，佢可憐兮兮的話：做乜要收工喎！然後站著默默地滴下豆大的淚珠，真係好傷心呀！個姐姐叫佢明天再來玩，佢就好乖的離開，然後又去lobby度坐吓玩吓聽吓人唱歌。
番到房佢又要同daddy讀書，我見好warm就偷影咯！邊個話旅行剩係玩，我都要恩祈帶咗成個backpack都係書，出嚟旅行見識多啲心情靚吸收書本知識都好啲架。
沒有留言:
張貼留言