食完森林早餐後，就坐tram遊動物園一圈先........其實地方不算大，毋須花多S5搭tram.我哋後來自己用腳都行咗兩個圈，慢慢睇至過嘛。好多人都話係呢度熱得死人，但今日好好彩，多雲唔曬但又冇落過雨(昨晚瞓覺時落咗勁大雨)，不過都係熱熱哋。
落車後第一站去Australian Outback探袋鼠家族。呢度係開放式動物園，啲Kangaroo真係周圍跳，剛巧1100am係feeding time跳晒過嚟。
爸爸好想入去餵袋鼠，但恩祈唔肯，冇恩祈份我唔比錢！我話算啦，去長隆餵好似都係五蚊(人民幣喎，雖然同係五蚊平五倍)，去澳洲動物園大把袋鼠唔駛錢呀。
祈祈都係鍾意啲動物公仔多啲........行行吓見到白老虎，都係冇高欄。
河馬同犀牛雖然又污糟又巨型，但我覺得好可愛好喜歡。
根本一啲都唔臭，我覺得呢度仲有啲草香味。幸運地見到剛出生只有半個月大的小班馬bb,佢下半身啲間條仲係啡白間好可愛。
daddy用玩具Giraffe引真Giraffe......相映成趣。
到咗我契仔最鍾意啲嘢---Komodo Dragon莫科多龍呀！好幾款都好大條，仲兩邊自由行過馬路，真係令人毛骨悚然！
莫科多龍隔離就係我好想睇的巨龜Giant Tortoise.不過比起我哋喺毛里裘斯見嗰啲細好多，可能年紀唔夠大啦。
年紀細的小朋友對啲古怪動物都冇乜好感，可能個樣核突啦，因此我哋係開心過佢，除咗假動物令佢開心外，其他佢都有啲悶同怕想快啲走。
動物園節目告一段落，我哋所有表演同一啲睇過好多次的動物好似大象、馬騮、海洋生物嗰啲都冇睇，怱怱地睇晒想睇嗰啲都搞到成十二點幾啦，原本打算十二點左右要離開去環球影城都冇可能，因為恩祈最想去的Rainforest Kidzworld而家至去呀！
入面都有啲嘢玩，祈祈揀咗Pony Ride(S6走一圈)，我問佢唔怕臭嗎？佢話唔怕.....佢全程笑到合唔埋口，好開心勁鍾意騎馬仔。
隻馬仔Candy已經12歲，佢好乖好純，好鍾意恩祈摸佢，個樣好冧。
除咗真馬仔仲有會郁的假馬仔騎，除非小朋友怕真馬唔係邊有人會騎假馬。
然後快快手同佢換好晒泳衣就狂奔去水上樂園玩。
Kidzworld有一半範圍都係water park.雖然只係玩水但都好大好多好玩玩意，尤其係個大水桶，咁熱淋大桶水落嚟爽呀！
佢哋玩我影咗一陣相四圍行吓，仲有一間模仿中式舊家居參觀(係睇以前啲居住環境好惡劣有好多曱甴、蚤呀蟲呀雖然係假但好核突冇影)，同埋有可愛小動物區有兔仔、羊仔嗰啲，剩係呢度Kidzworld尤其wet play area恩祈都可玩半日。
但時間有限，只係玩咗25分鐘我就叫佢哋要走啦，真係好殘忍，佢哋玩到最開心到喉唔到肺就要走，冇辦法啦，恩祈真係好乖好明白事理，一啲冇扭計，不過喺八爪魚沖身區都揸住條水喉射水又玩一輪。
門口仲有個動物木馬玩，睇吓算啦，下次玩一日啦。只係用水沖吓個頭同身就換件新衫走，點知經過餐廳諗起恩祈仲有個雪糕送喎，呢個就係動物園送的birthday ice-cream啦，好似S6.9，今日恩祈係生日之星Singapore Zoo全部都係free. Thank you!
沒有留言:
張貼留言