2010.08.16 今日全日自由活動......free+relax=Happy!
慢慢嘆酒店早餐，我比恩祈第一次試香腸，雖然我都鍾意食香腸，但香腸同炸雞汽水一樣係頭號垃圾食物，所以佢都未試過，不過好似澳洲啲白肉腸好味啲又唔太鹹，趁daddy唔喺度比佢試吓啦，佢好乖試咗就算唔會要求再食。
酒店大堂好大，又出去影咗酒店全景......澳洲果然係"天天天晴"！
Gold Coast有兩個大mall.一個Australian Fair另一個係Pacific Fair.問過Concierge嗰哥哥話Pacific Fair較適合小朋友，教我哋一條大直路過咗Casino就到，全程約行半小時。
結果邊行邊休息，我哋行咗成一個半小時至到。外國啲mall雖然得兩層但佔地很廣，門前湖邊風景好優美呢。
我叫恩祈唔好上人哋架工程車玩，睇真啲原來係比細路玩的推土機。
去到Toy'r'us見到成排Barbie就笑到合唔埋口，仲見到有型的Ken呢。好在佢只係望吓玩吓就滿足肯走人嘅。
婆婆開始有啲唔舒服要抖抖，我哋搭巴士番酒店，雖然好多站停但居然唔駛十分鐘就番到，都唔知點解行就要咁耐......不過代價係差唔多成三十蚊一個的車費。wow!
沒有留言:
張貼留言