婆婆在酒店房休息，我同恩祈行去對面，全球最高的住宅大樓Q Deck
Q Deck 又叫Q 1.門票AUD$19(剪coupon有15% off).5歲以下小童free.買票時恩祈又去抱抱呢度好hit的海綿寶寶(佢呢期最愛睇)同Dora.
搭乘電梯只要42.7秒(one of the World's fastest elevators)，就能直上77樓的景觀台，擁有360°視野的玻璃窗的景觀台，可以盡覽黃金海岸美麗的景致。
風景好靚，Gold Coast的海岸綫好長。
落番去就係Surfers Paradise.
救生員用的滑浪板。
呢度啲救生員係坐喺恩祈後面見到架車，不停在沙灘上巡邏，有意外就隨手攞上面見到的lifeguard滑浪板衝浪救人，幾型呀！我都係睇J2台見過咋。
呢面只有日出冇日落睇，因此黃昏會陰啲同涼咗好多。
dancing on the beach....
呢個Surfers Paradise標誌同巨型滑浪板係地標，不過而家周圍都有工程失晒色。
澳洲的雪糕好平口味又多(1 scoop AUD$4 ,2 scoops$5 ,3scoops $6)，而且總是一大pat.怪唔之呢度咁多肥人。
啲雀虎視眈眈，比少少個cone佢哋食就搶到暈，如果我唔係度，佢哋咁惡實啄恩祈搶佢成支雪糕呢。
呢度間"信不信由你"門面同音響好搶眼又吸引，恩祈好感興趣，有三腳人呀、巨人呀、迷你人、凸眼人同長頸人，個sales話唔收恩祈費用，我都好想入去睇，結果佢臨時縮沙唔敢入，但返去就成日提住呢度，印象深刻。
行番酒店兩條友唔知食乜好，經過第一餐食飯的麗晶海鮮酒家，外賣咗兩盒乾炒牛河同雞粒炒飯番去同婆婆在房食啦，好大盒又惹味，不過我真係未食過一百蚊一盒的外賣飯盒囉。上次好似十年前同老公去柏斯在中餐館食碟牛河都唔駛三十蚊，雖然嗰時澳元係1對4而家係1對7但都係好平，澳洲而家又有tax物價又貴咗好多。
沒有留言:
張貼留言