又同爸爸水中共舞
游完梳洗完都接近黃昏，漫步到Patong Beach行街，早上行的是街尾，而家行的是街頭。
地標係奈良美智設計的Patong Dog
行前啲有個playground on the sand都好多嘢玩
玩完之後冇耐突然落咗一場細雨，亦係全個旅程中唯一一場雨，喺一間酒吧隔離等停雨，剛巧電視大螢幕播緊泰國總理同紅衫軍握手微笑的新聞，雖然唔知講乜都估到暫時冇問題啦，個心舒服晒，明早我哋就要飛bangkok唔駛擔心。等咗約十分鐘停雨就繼續前行，又去Jungceylon搵食。
見到呢間"Fuji"的連鎖日式料理店價錢好o.k.就入去試吓，啲set好平吓個portion都好多，上面係我個牛柳set.yummy yummy!
叫咗碟"bb sushi"比恩祈食，有好多粒佢幾開心呀！(佢好鍾意食壽司)佢第一次食三文魚壽司我見細細粒應該唔怕比佢試吓(怕比生嘢細路食嘛)，佢簡直愛上了。食咗兩個好豐富的套餐加埋碟壽司仔同飲品都只係634baht(約$150)，大滿足呀！
行咗條食街一陣睇吓熱鬧，入埋Robinson樓下個超級市場入啲明朝早餐貨，恩祈幾醒一眼瞄到架玩具車連購物車，坐咗上去之後幾威風咁。
呢度啲超級市場標價同設施都好過香港好多，又令人感到以客方便為主。因為買咗啲榴槤，就在麥當勞啲outdoor位食埋佢，真係好臭好正好好食，恩祈就猛讚佢杯雪糕好味啲，我話榴槤仲好味，大家都非常享受呢！
沒有留言:
張貼留言