Good morning and bye-bye Phuket!
八點幾到bangkok在機場canteen食啲嘢出去門口就有meter taxi.去到市區只係半小時，但Siam就塞咗15分鐘車，睇meter只係收225baht，加埋50baht airport service fee同70baht highway fee再加貼士都係370baht.去到Novotel佢話如果肯等多一陣會比間大啲好啲的房我哋，當然o.k.啦！放低行李行去曼谷最大的商場Siam Paragon.就係前面天橋行過對面，呢間酒店位置no.1.(平時都成千蚊晚仲好full.我早成幾個月Accor有大特價至可以book到四百幾蚊咋)幾個大商場都係附近有天橋又唔駛過馬路，三十七、八度高溫都可以著住件長袖衫舒服行街，因為酒店同商場冷氣夠呀。
上次同恩祈來已經玩過Siam Ocean world都唔好玩仲好貴今次梗係唔再入場。
daddy話我哋去廁所時見到有真人Nemo行嚟行去。
香港好少玩機動車，但係呢度10baht($2.5)玩飽佢啦。
商場內有文華同半島兩大酒店的Cafe座鎮於佈滿名店的M/F.諗咗一陣都係揀咗我最喜愛的半島茶座，扮吓濶太。
時間尚早，冇乜人。
叫咗個traditional tea set.呢度啲tea set 幾多點都有得食，幾多人叫一set都一樣好招呼，見我哋兩個大人又會自動set兩隻杯比我哋share壺茶.good service.一份tea set只係420baht比香港平成半，仲要好清靜唔會佈滿自由行呢！
見到menu個phad thai只有160baht($40)咁平叫咗嚟食，都好多料好掂喎。
恩祈食甜品就夠啦，佢食嘢個enjoy樣真係可以拍廣告，睇到份報紙張相就知我哋呢兩日在曼谷有幾安全。(真好運就只有呢幾日係令人安心)
番酒店check-in啦，二十年前帶團都住過Novotel.酒店保持得非常好(尤其最鍾意洗手間的牆身全都係鏡好靚)，daddy話冇露台嘅？市區酒店咁高又唔係resort比個露台你做空中飛人咩。
我哋唔好shopping就又去游水咯，個泳池市區嚟講都幾大幾好(但我只影咗幾張相又影得唔靚)，service又一流，你行去搵張太陽椅想坐低就有人即刻過嚟幫你鋪好晒毛巾。
梳洗完行天橋十幾分鐘過去Central world Plaza.行咗一陣上6/F Food Court睇吓有咩嘢食，好多好多選擇，花多眼亂下見到間有大sofa位坐得好舒服的餐廳，中泰印西日式自助餐真係啱晒可以試勻，仲要係299baht一位加埋17% tax都係700baht埋單(大約80幾蚊港紙一位，恩祈仲免費)。
仲要啲咖喱呀pizza呀同即order即煮意粉都好正，daddy話啲刺身同香港唔多同，泰國食啲三文魚刺身係好深橙色，恩祈見到三文魚刺身就趁我哋行開係咁一件件隊晒落肚，都唔知佢食咗幾多(我估都唔少)，第二日仲有少少肚仔痛(好在冇事)......啲飲品、點心、甜品同雪糕都唔係幾食得落啦，提吓啲雪糕，個樣好似溶晒軟pat pat但食落好濃郁奶味同口感，真係唔可以睇外表。
搵到人山人海仲多人過尖沙咀LV的NARAYA，啲蝴蝶布袋真係好平同款式可愛，買咗兩個送比人又買咗兩個比自己(大嘅約$50細嘅約$30蚊一個)，後來至覺得買得太少啦，咁平又咁輕派街坊都抵，好過買嘢食又重到死。
沒有留言:
張貼留言